استانا اكىمى قالاداعى ەكى اۋداننىڭ جۇمىسىمەن تانىستى.
بايقوڭىر اۋدانىنا قاراستى «جاستار» مولتەكاۋدانىندا نو-حاۋ ەنگىزىلگەن «اقىلدى» جوبالار كوپ. سونىڭ ءبىرى باراەۆ كوشەسىندەگى №12 ۇيدە سمارتفون ارقىلى كىرەبەرىستە نە بولىپ جاتقانىن ونلاين كورۋگە بولادى. كەيبىر ۇيلەرگە پاتەرگە قوڭىراۋ شالاتىن جۇيەسى بار شلاگباۋم ورناتىلعان. 12 جانە 14-ءشى ۇيلەردە «ۆاۆيوت ازيا» جشس ينۆەستورلارى قايتارىمسىز نەگىزدە ورناتقان راديومودۋلدىك سۋ, گاز, ەلەكترجابدىقتاۋ ەسەپتەگىشى جۇمىس ىستەيدى. شارا كەزىندە باقىت سۇلتانوۆ «Astana Clean Time» مەكەمەسىنىڭ قالدىقتاردى بولەك جينايتىن جوباسىنىڭ كونتسەپتسياسىمەن دە تانىستى. جاڭادان اشىلعان «بايقوڭىر» اۋلا كلۋبى مەن «Workout» كوشە الاڭىن كورگەننەن كەيىن, الاش كوشەسىندەگى ورتالىق بازاردىڭ قۇرىلىسى مەن قايتا جوندەۋ جۇمىستارىنا نازار اۋداردى. ايتا كەتەيىك, 2017 جىلدىڭ مامىرىندا باستالعان قۇرىلىس نىسانى 2023 جىلى پايدالانۋعا بەرىلەدى.
ال الماتى اۋدانىن ارالاۋ بارىسىندا باقىت سۇلتانوۆ «الما» سكۆەرىنىڭ قۇرىلىسىن جانە «سكازوچنىي مير» تۇرعىن ءۇي كەشەنى اۋلاسىنداعى اباتتاندىرۋ جۇمىستارىن تەكسەردى.
«ساياباققا بارۋ ءۇشىن ادامدار قالانىڭ ورتالىعىنا كەلىپ اۋرە بولماۋى ءتيىس. گۇلزارلار, اۋلا كلۋبتارى, كوشە ترەناجەرلەرى اتتام جەردە قولجەتىمدى, تۇرعىندارعا ىڭعايلى بولۋى كەرەك. استانادا كەز كەلگەن اۋداندا ءومىر ءسۇرۋ جايلى بولۋى ءتيىس» دەدى ول.
