ەلوردا اكىمى التاي كولگىنوۆتىڭ تاپسىرماسى بويىنشا تۇزىلگەن «نۇر-سۇلتان – جايلى قالا» شەبەر-جوسپارىنىڭ اياسىندا قالا اۋماعىندا 500-دەن استام اۋلا مەن قوعامدىق كەڭىستىك اباتتاندىرىلىپ, وزگەشە كەيىپكە ەندى. بيىلدىڭ وزىندە ەلوردادا 190-نان استام اۋلا مەن قوعامدىق كەڭىستىك اباتتاندىرىلعان.
قاربالاسقا تولى قالا تىرشىلىگىنەن ەمىن-ەركىن تىنىستاۋ ءۇشىن دەمالىس ورىندارىن كوپتەپ سالۋ «ادامدارعا ارنالعان قالا» تۇجىرىمداماسىن ىسكە اسىرۋعا مۇمكىندىك بەردى. ناتيجەسىندە قالادا جاياۋ جۇرگىنشىلەردى ماگنيتشە تارتاتىن نىسانداردىڭ سانى ارتتى.
«Demalys Promenade» پەن «تەاترالنىي» بۋلۆارى ارقىلى قالا تۇرعىندارى مەن قوناقتارى شاھاردىڭ تاريحي ورتالىعىن ەسىل وزەنىنىڭ جاعالاۋىمەن بايلانىستىردى.
مەملەكەت باسشىسىنىڭ بۇقارالىق سپورتتى ناسيحاتتاۋ جونىندەگى تاپسىرماسى اياسىندا اتالمىش ورىنداردا دەمالىسىندا سالاماتتى ءومىر سالتىن ۇستانعىسى كەلەتىندەرگە قاجەتتى ينفراقۇرىلىممەن قامتاماسىز ەتىلدى.
قالاداعى قوعامدىق كەڭىستىكتەر جەلىسىن كەڭەيتۋدە قاراۋسىز قالعان نىساندارعا كوپتەپ ءمان بەرىلدى. وسىلايشا ترياتلون پاركىنىڭ جانىندا جانە ل.ن.گۋميلەۆ اتىنداعى ەۇۋ جانىندا كوپىردىڭ استىنداعى قوعامدىق كەڭىستىكتەردە ستريتبول جانە سكەيت الاڭدارى پايدا بولدى. بيىل ستۋدەنتتەر ساياباعىندا «NS street life» كوشە سپورتىنىڭ كوليزەيى ءوز جۇمىسىنا كىرىستى. جاقىندا عانا «اتىراۋ» كوپىرى مەن «اتاتۇرىك» اتىنداعى ساياباقتىڭ استىنا جاڭا سكەيت-الاڭدار پايدا بولدى. ترياتلون-ساياباقتا باسسەيندەرى بار جاساندى جاعاجاي سالىندى.
اۋلالاردى اباتتاندىرۋمەن بىرگە پرەزيدەنتتىڭ تاپسىرماسى بويىنشا قالا اۋماعىن كوگالداندىرۋعا دا ەرەكشە كوڭىل بولىنەدى. بيىل ەلوردادا 1 ميلليوننان استام جاسىل جەلەك وتىرعىزىلدى. ترياتلون-پارك ماڭىنىڭ اجارىن جوكە اعاشى مەن سيرەن بۇتالارى اشپاق. «استانا وپەرا» تەاترىنىڭ ىرگەلەس اۋماعىنا 1000 ءتۇپ بورتەگۇل مەن 700 ەمەن وتىرعىزىلدى. ەلوردا اكىمدىگى عيماراتىنىڭ الدىنداعى ورتالىق الاڭدا جاڭا سكۆەر ءسان تۇزەيدى. اۋماقتا ساندىك-قولدانبالى بۇتالار مەن گۇلدەر وتىرعىزىلىپ, لاندشافت ارالدارى قۇرىلادى.
