قالاعان ەمحاناڭىزعا تىركەلىڭىز
ەلىمىزدىڭ بارلىق وڭىرىندە «ءوز ەمحاناڭدى تاڭدا!» دەگەن ۇرانمەن تۇرعىنداردى ەمحانالارعا تىركەۋ ناۋقانى باستالدى. 15 قىركۇيەك كۇنى باستالعان شارا 15 قاراشاعا دەيىن جالعاساتىن بولادى. ناۋقان اياسىندا جەرگىلىكتى جۇرت كوڭىلى تولماعان مەكەمەنى باسقاسىنا الماستىرا الادى. ال ەگەر ەمدەلىپ جۇرگەن مەديتسينا مەكەمەسىنە كوزقاراسىڭىز ءتۇزۋ بولسا, وندا شاراعا قاتىسپاۋىڭىزعا بولادى. مۇنداي جاعدايدا ەمحانالار ونداي ازاماتتاردى اۆتوماتتى تۇردە كەلەسى جىلعا تىركەيدى.
ەستەرىڭىزگە سالا كەتەيىك, ەگەر قانداي دا ءبىر مەكەمە ءسىزدى وزدەرىنە تىركەۋگە الۋدان باس تارتسا, ول زاڭسىز بولىپ تابىلادى. سەبەبى, 2010 جىلدان باستاپ رەسپۋبليكانىڭ ءار ازاماتىنا مەديتسينالىق ۇيىمدى ەركىن تاڭداۋ قۇقىعى بەرىلگەن. سونداي-اق, دەنساۋلىق ورتالىعى تۇرعىلىقتى مەكەن-جايىڭىز تۋرالى ءتىركەۋ قاعازىن سۇراتاتىن بولسا, ول دا زاڭسىز. بۇگىندە ءتىركەۋ قاعازى بولماسا دا ءار ازامات مەديتسينالىق كومەك الۋعا قۇقىلى. مۇنداي جاعدايدا ءتيىستى ورگاندارعا شاعىمدانۋىڭىزعا بولادى. تاعى ءبىر ەسكەرەتىن جايت, بۇل شارا تەك ەمحانالاردى تاڭداۋعا عانا قۇقىق بەرەدى. ال ەلورداداعى رەسپۋبليكالىق عىلىمي ورتالىقتار بۇعان كىرمەيدى.
قىمبات توقتامۇرات