وتباسى كۇنى مەن الداعى بالالاردى قورعاۋ كۇنىنە وراي استاناداعى قالالىق الاڭدا حالىقتىڭ الەۋمەتتىك وسال توپتارى مەن ومىرلىك قيىن جاعدايعا تاپ بولعان ازاماتتار ءۇشىن «وتباسى – باقىت مەكەنىم» اتتى مەرەكەلىك ءىس-شارا وتكىزىلدى, دەپ حابارلايدى astana-akshamy.kz
استانا قالاسى اكىمدىگىنىڭ «جانۇيا وتباسى ينستيتۋتىن قولداۋ ورتالىعى» كمم ۇيىمداستىرعان ءىس-شاراعا مۇگەدەك بالالاردى تاربيەلەپ وتىرعان انالار, ورتالىقتىڭ سۇيەمەلدەۋىندەگى از قامتىلعان وتباسىلار قاتىستى.
«جانۇيا» وتباسى ينستيتۋتىن قولداۋ ورتالىعىنىڭ ۇيىمداستىرۋ جۇمىستارى ءبولىمىنىڭ باسشىسى ءزۇلفيا سادۋاقاسوۆا ءىس-شارانىڭ باستى ماقساتى قۋانىشتى, مەرەكەلىك جانە مەيىرىمدى اتموسفەرا قۇرۋ ەكەنىن ايتتى.
«ءبىز ءىس-شاراعا قاتىسۋشىلاردىڭ مەرەكەگە بەلسەندى قاتىسۋعا دەگەن ۇمتىلىسىن وياتۋعا تىرىستىق, ويتكەنى كونتسەرتتىك باعدارلامادان باسقا, ولار ءۇشىن انيماتورلارمەن ويىن-ساۋىق, توقۋ بويىنشا شەبەرلىك ساباق, سونداي-اق ءتاتتى تاعامدار دايىندادىق. ءبىزدىڭ اۋديتوريا – كوپ بالالى وتباسىلار, ومىرلىك قيىن جاعدايعا تاپ بولعان ادامدار. بۇگىنگى ءىس-شاراعا ولار تىكەلەي قاتىستى, كونتسەرتتىك باعدارلامادا ەرەسەكتەر دە, بالالار دا ونەر كورسەتتى, وسىلايشا, وزدەرىنىڭ شىعارماشىلىق الەۋەتىن اشتى. ءبىزدىڭ ورتالىقتان باسقا, ءىس-شارانى ۇيىمداستىرۋعا استانانىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسى قاتىستى. ءبىزدى سارىارقا اۋدانىنىڭ اكىمدىگى مەن توقۋ بويىنشا شەبەرلىك ساباعىن ۇيىمداستىرعان «شەبەرلىك جولى» قق قولدادى», – دەدى ءزۇلفيا سادۋاقاسوۆا.
مۇگەدەك بالانى تاربيەلەپ وتىرعان كوپ بالالى انا جازيرا ورىنباەۆا «جانۇيا» وتباسى ينستيتۋتىن قولداۋ ورتالىعىندا پسيحولوگيالىق جانە زاڭگەرلىك كەڭەس الاتىنىن ايتتى.
«سونداي-اق مەن الەۋمەتتىك قورعاۋ, بالاباقشاعا كەزەككە تۇرۋ, باسپانا الۋ ماسەلەلەرى بويىنشا تەگىن كەڭەس الامىن. بىزگە ازىق-تۇلىك جانە كەڭسە تاۋارلارى تۇرىندە دەمەۋشىلىك كومەك كورسەتىلەدى. ورتالىقتا ءارتۇرلى مەرەكەلەرگە كونتسەرتتەر مەن باسقا دا ءىس-شارالار ۇيىمداستىرىلادى, ولارعا ءبىز دە قاتىسامىز. بۇگىن مەنىڭ قىزدارىم ونەر كورسەتتى, ولار ءاندى ورىندادى جانە بيلەدى, سول ءۇشىن سىيلىقتار الدى. مەن ورتالىقتىڭ قىزمەتكەرلەرىنە العىسىمدى بىلدىرەمىن, ولار ءاردايىم كەزدەسىپ, قويىلعان بارلىق سۇراقتارعا ساۋاتتى جانە دۇرىس جاۋاپ بەرىپ, قالاي ارەكەت ەتۋ كەرەكتىگىن ايتادى», – دەدى كوپبالالى انا.
