نۇر-سۇلتان قالالىق ءماسليحاتتىڭ دەپۋتاتتىعىنا ۇمىتكەرلەر (№19 توپ) اقىلبەك دانابەكۇلى, رۇستەم القوجا جانە ازامات ورىنباساروۆ «قامقور» بازارىنا بارىپ, ونداعى جۇرتشىلىقپەن جۇزدەسىپ, ۇسىنىس-تىلەكتەرىن تىڭداپ, كوكەيتەستى ماسەلەلەردى ورتاعا سالدى.
Nur Otan پارتياسىنان قالالىق ءماسليحات دەپۋتاتتىعىنا ۇمىتكەر ازامات ورىنباساروۆ ەلوردادا قۇرىلىس سالاسىندا جۇمىس ىستەيدى, «كەرۋەن گرۋپپ» باستاۋىش پارتيا ۇيىمىنىڭ توراعاسى, «قامقور» قۇرىلىس كومپانياسىنىڭ باس ديرەكتورى. س.سەيفۋللين اتىنداعى اگروتەحنيكالىق ۋنيۆەرسيتەتتە جاستار كوشباسشىسى, پرايمەريز قورىتىندىسىمەن سارىارقا اۋدانى بويىنشا ءبىرىنشى ورىن العان اقىلبەك دانابەكۇلى سايلاۋالدى جۇمىستار بويىنشا بىلاي دەدى: «قامقور» بازارىندا قىزمەتكەرلەرمەن كەزدەسۋ بارىسىندا ناپاقاسىن وسى جەردەن تاۋىپ جۇرگەن ازاماتتار كارانتين كەزىندە «قامقور» جابىق بولعاندىقتان قينالعاندارىن, جالعا الۋ اقىسىن تولەۋ وڭايعا تۇسپەگەنىن ايتتى. سونداي-اق كەپتەلىس پەن تازالىق ماسەلەسى دە كوتەرىلدى. ءبىز ولار ايتقان ماسەلەنىڭ بارلىعىن جەتكىزەمىز. ءبىز ءۇشىن «حالىق ۇنىنە قۇلاق اساتىن مەملەكەت» تۇجىرىمداماسىن تولىققاندى جۇزەگە اسىرۋ – اي̆رىقشا ماڭىزدى!».
نۇر-سۇلتان قالالىق ءماسليحاتى دەپۋتاتتىعىنا ۇمىتكەر رۇستەم القوجا ل.گۋميلەۆ اتىنداعى ەۇۋ-دە جاستار دەپارتامەنتىن باسقارادى. «حالىق اراسىندا پارتيانىڭ سايلاۋالدى باعدارلاماسىن تۇسىندىرۋدەمىز. وسى ۋاقىتقا دەيىن بىرنەشە كەزدەسۋ وتكىزىپ, مىڭنان اسا ادامدى قامتىدىق. «قامقور» ساۋدا ۇيىندە قىزمەتكەرلەر مەن ساتىپ الۋشىلار اراسىندا ۇگىت-ناسيحات جۇرگىزدىك, پارتيانىڭ كوتەرىپ وتىرعان نەگىزگى 10 ماسەلەسىن تۇسىندىردىك. كەزدەسۋ بارىسىندا ازاماتتار «پارتيانىڭ اشىقتىعى كەرەك, سونى قولعا الساڭىزدار» دەگەن پىكىر ءبىلدىردى. سونىمەن بىرگە پاندەميا جاعدايىندا شاعىن جانە ورتا بيزنەسكە قولداۋ كەرەكتىگىن ايتتى. پاندەميا كەزىندە وسى جەردەگى جۇمىس ورىندارى جابىلعاندىقتان, ازاماتتار تابىسىنان ايىرىلىپ قالعان. «كوكتال» جاقتا تۇراتىندار اۆتوبۋس ماسەلەسىن شەشىپ بەرۋدى سۇرادى» دەدى ول.