قالالىق جۇمىسپەن قامتۋ ورتالىعى استاناعا قانداي ماماندار كەرەكتىگىن جاريالادى. ەلوردا بۇرىنعىداي جۇمىسشى ماماندىقتارعا ءزارۋ.
رەيتينگ بويىنشا قالامىزعا كەرەك ەڭ قاجەتتى ماماندىقتاردىڭ كوشىن قۇرىلىسشىلار باستاپ تۇر. بۇل ماماندىق يەلەرىنە بيىلدىڭ ءوزىندە ءتۇرلى قالالىق كاسىپورىنداردان 3 مىڭعا جۋىق سۇرانىس ءتۇسىپتى. بۇل سۇرانىس الداعى ۋاقىتتا دا تۇراقتى بولادى دەگەن بولجام بار.
سونىمەن قاتار, قالامىز بويىنشا ءارتۇرلى جۇمىستاردى اتقاراتىن ادامدارعا قاجەتتىلىك ەكى ەسەگە از بولسا دا, بۇل كاسىپ تاپشى ماماندىقتار رەيتينگىنىڭ ەكىنشى ورنىندا تۇر ەكەن. جىل باسىنان بەرى 1,7 مىڭ بوس ورىن بولعان. قاجەتتى مامان يەلەرىنىڭ قاتارىندا ءۇشىنشى بولىپ مەديتسينا قىزمەتكەرلەرى تۇر. جىل باسىنان بەرى جۇمىسپەن قامتۋ ورتالىعىنا ابزال جاندارعا جۇمىس بەرۋشىلەردەن 705 سۇرانىس تۇسكەن. اق جەلەڭدىلەرگە دەگەن سۇرانىس الداعى جىلداردا دا تۇراقتى تۇردە ارتىپ وتىراتىن بولادى. بۇعان قوسا, ەلوردادا اس ءۇي جۇمىسشىلارىنا, مەنەدجەرلەرگە, ەدەن جۋشىلارعا, مونتاجداۋشىلارعا, جۇرگىزۋشىلەر مەن اعاش شەبەرلەرىنە دە سۇرانىس تۇراقتى.
ودان بولەك, اكىمشىلەر, كونديتەرلەر, اسپازشىلار, كۇزەتشىلەر مەن تىگىنشىلەرگە دە بوس ورىندار جەتەرلىك. اعىمداعى جىلدىڭ ءبىرىنشى توقسانىندا استانا قالاسىندا جۇمىسسىزدىق دەڭگەيى 4,6 پايىزدى قۇراعان.
ءدال قازىر «قايىعى سۋدان وتكەن» تالاپكەرلەر بولاشاق ماماندىقتارىن تاڭداۋ ءۇستىندە. سوندىقتان, مىندەتتى تۇردە جوعارى ءبىلىمدى مامان بولۋ كەرەك دەپ جانتالاسپاي, ەڭ الدىمەن, قوعامعا قاجەتتى بىلىكتى مامان بولۋ ماڭىزدى ەكەنىن ەسكەرۋ دە قاجەت سەكىلدى.
گۇلجان راحمان
