استاناداعى كوپبالالى نەمەسە جاعدايى تومەن وتباسىلارعا كورسەتىلەتىن جاردەم تۇرلەرىن جۇرتشىلىق بىلە مە؟
قازاقستان بويىنشا جالعىز استانا قالاسىندا عانا 1-4-سىنىپ وقۋشىلارى (76767 بالا) تەگىن تاماقپەن قامتاماسىز ەتىلگەن. بۇدان بولەك, جاعدايى تومەن وتباسىلاردان شىققان 5-11-سىنىپ وقۋشىلارعا (1772 بالا) دا مۇنداي جاعداي قاراستىرىلعان.
قازىرگى ۋاقىتتا بارلىق وتباسى 01.0.2018 جىلعا دەيىن تاعايىندالعان 10504 تەڭگە كولەمىندەگى مەملەكەتتىك ارنايى جاردەماقى الادى. 2018 جىلدىڭ 1 قاڭتارىنان باستاپ جاڭا فورماتتاعى اتاۋلى الەۋمەتتىك كومەك (ااك) كوپ بالالى وتباسىلارعا ارنالعان جاردەماقى, بالالارعا ارنالعان مەملەكەتتىك جاردەماقى جانە اتاۋلى الەۋمەتتىك كومەك سەكىلدى 3 تولەمدى بىرىكتىردى. قازىر 924 وتباسى (4601 ادام), ال ونىڭ ىشىندە 434 كوپبالالى (2962 ادام) وتباسى جاردەم الىپ وتىر.
بۇگىندە ەلوردا بيۋدجەتىنىڭ 56 پايىزى, ياعني 149,8 ملرد تەڭگە كوپبالالى جانە جاعدايى تومەن وتباسىلارعا, مۇگەدەك جاندارعا, زەينەتكەرلەرگە قاراستىرىلىپتى. ولار ءۇشىن قوعامدىق كولىكتەردە تەگىن ءجۇرۋ, ال مۇگەدەكتەرگە ينۆاتاكسي قىزمەتى قامتاماسىز ەتىلگەن.
ءبىر ايتارلىعى, قازاقستان بويىنشا جالعىز استانا قالاسىندا عانا 1-4-سىنىپ وقۋشىلارى (76767 بالا) تەگىن تاماقپەن قامتاماسىز ەتىلگەن. بۇدان بولەك, جاعدايى تومەن وتباسىلاردان شىققان 5-11-سىنىپ وقۋشىلارعا (1772 بالا) دا مۇنداي جاعداي قاراستىرىلعان.
سونىمەن قاتار, كوپبالالى, جاعدايى تومەن وتباسىلارعا, اتا-اناسىنان ايىرىلعان بالالارعا جىل سايىن مەكتەپكە قاجەتتى زاتتار, ءار مەزگىلگە ساي كيىمدەر جەتكىزىلەدى جانە ساۋىقتىرۋ ورىندارىنا تەگىن ورىندار بولىنەدى. جىل سايىن 6500 بالاعا وسىنداي جاعداي جاسالسا, 2700-دەن اسا بالا جازعى لاگەرگە جىبەرىلەدى.
ايتپاقشى, جوعارىدا اتى اتالعان توپتارعا اكىمدىك تاراپىنان ارنايى ءبىلىم گرانتتارى دا بولىنگەن. بىلتىر 122 گرانت بەرىلسە, ونىڭ 113-ءى كوپبالالى وتباسىلاردان شىققاندارعا ءتيىپتى.
جالپى, بالالاردى مەكتەپكە دەيىنگى بىلىممەن قامتۋ 95 پايىزدى قۇرايدى. مەملەكەتتىك تاپسىرىس اياسىندا مەكتەپكە دەيىنگى وقىتۋمەن قامتىلعان 50158 بالانىڭ 18000-ى جەكەمەنشىك بالاباقشالارعا بارادى. مەملەكەتتىك تاپسىرىستىڭ جالپى بيۋدجەتى 15 ملرد تەڭگە بولسا, ونىڭ ىشىندە 6 ملرد تەڭگە جەكەمەنشىك بالاباقشالارعا جۇمسالادى.
