جاسىراتىنى جوق, جاڭبىرلى كەزدەرى ەلوردانىڭ ورتالىق كوشەلەرى سۋعا تولىپ كەتەدى. ەگەر كوكتەمگى قارعىن سۋعا دايىندىقتى كۇشەيتپەسە, سۋ العاننىڭ كوكەسىن سوندا كورەمىز. استانا قالاسىنىڭ توتەنشە جاعدايلاردىڭ الدىن الۋ باسقارماسىنا حابارلاسىپ, سۋ تاسقىنىنا قارسى شارالار تۋرالى بىلدىك.
– 2023 جىلدىڭ قىركۇيەگىندە ەلوردانىڭ سۋ تاسقىنى قاۋپى بار ۋچاسكەلەرى كوميسسيامەن تەكسەرىلىپ, 20 ۋچاسكە بويىنشا اۋدان اكىمدەرىنە كانالداردى تازالاۋ, ارىق-ناۋا جۇيەسىن ورناتۋ تۋرالى ۇسىنىم بەرىلدى. توتەنشە جاعداي جونىندەگى كوميسسيادا دايىندىق جۇمىستارى پىسىقتالىپ, جاۋاپتى مەملەكەتتىك مەكەمەلەرگە ىسكە سەرگەك قاراۋ تاپسىرىلدى. قاڭتار ايىندا سۋ تاسقىنىنا قارسى ءىس-شارالار ايلىعى باستالدى, تۇرعىندارعا ءتۇسىندىرۋ جۇمىستارى ىسكە اسىپ, ىقتيمال قاۋىپتى ۋچاسكەلەردە 86 رەيد جۇرگىزىلدى, – دەدى باسقارما باستىعى.
سولتۇستىك وڭىرلەردە توڭ ءبىر مەترگە دەيىن قاتقاندىقتان, كوكتەمدە ەرىگەن قار جەرگە ءسىڭۋى قيىن. ونىڭ ۇستىنە, استانا جازىقتا ورنالاسقاندىقتان, جينالعان سۋ اعىپ كەتۋى قيىن. وعان قوسا جەراستى سۋى جەر بەتىنە جاقىن جاتىر. وسىنىڭ اسەرىنەن جاۋىن-شاشىن كەزىندە كولكىگەن سۋ تەز ءسىڭىپ كەتپەيدى. قىستا قالىڭ تۇسكەن قاردى تازالاپ ۇلگەرمەسە, قارعىن سۋدىڭ الىپ كەتۋى مۇمكىن. سوندىقتان كوممۋنالدىق قىزمەت سالاسىنداعىلار كوشەلەردەن بولەك, كوپ قاباتتى تۇرعىن ءۇي اۋماعىنداعى قاردى تەزدەتىپ تازالاعانى دۇرىس.
بۇگىندە كوممۋنالدىق قىزمەتتەر قالادان 5,7 ميلليون تەكشە مەتردەن استام قار شىعاردى. قار تازالاۋ جۇمىسى قارقىن الدى. ماسەلەن, 33 مىڭنان استام مەتر ارىق-ناۋا جەلىسى, 2360 مەتر كوللەكتورلار, 1087 دانا جاڭبىر قابىلداۋ قۇدىقتارى تازارتىلدى
– بۇگىندە كوممۋنالدىق قىزمەتتەر قالادان 5,7 ميلليون تەكشە مەتردەن استام قار شىعاردى. قار تازالاۋ جۇمىسى قارقىن الدى. ماسەلەن, 33 مىڭنان استام مەترى ارىق-ناۋا جەلىسى, 2360 مەترى كوللەكتورلار, 1087 دانا جاڭبىر قابىلداۋ قۇدىقتارى تازارتىلدى. «استانا-تازالىق» بازاسىندا كولەمى 2,5 مىڭ تەكشە مەتر قۇم جانە اعاش قورى دايىندالدى. تاعى 11 مىڭ تەكشە مەتر ينەرتتى ماتەريالداردى جەتكىزۋگە كەلىسىمشارت بار. توتەنشە جاعداي ورىن العان جاعدايدا ازىق-تۇلىك پەن جانار-جاعارماي جەتكىزۋگە 12 مەموراندۋم جاسالدى, – دەدى باقىتجان ماۋلەنبەرديەۆ.
ەگەر توتەنشە جاعداي ورىن السا, حالىقتى ۋاقىتشا قابىلدايتىن 2260 ورىندى 7 قوناق ۇيمەن مەموراندۋم جاسالدى جانە زارداپ شەككەن حالىقتى قابىلدايتىن 16 پۋنكتى دايىندالىپتى.
– استانا قالاسى اكىمىنىڭ ورىنباسارى ەرسىن وتەباەۆ جاۋاپتى مەملەكەتتىك ورگاندارعا حاتتامالىق تاپسىرما بەردى. سۋ تاسقىنى قۇبىلىستارىنا ۋاقتىلى دەن قويۋ ماقساتىندا جەكە قۇرامنىڭ 586 ادامىنان, 156 بىرلىك تەحنيكادان, 65 موتوپومپادان تۇراتىن ازاماتتىق قورعاۋ قىزمەتتەرىنىڭ جالپى توبى قۇرىلدى, – دەدى سپيكەر.
كەي جىلدارى اۋا رايىنىڭ ءوزى قارايلاسىپ, كوكتەم ايلارىندا سۋ تاسقىنى ورىن المايدى. ال ناۋرىز, ءساۋىر ايى جاڭبىرلى بولسا, وندا قارمەن قوسىلعان سۋدان قاۋىپ كۇتۋگە بولادى. «قازگيدرومەت» بولجامىنشا, كوكتەمنىڭ العاشقى ەكى ايىندا تاۋلىگىنە ءبىر ايلىق جاۋىن-شاشىن مولشەرى ءتۇسۋى مۇمكىن. مۇنداي جاعدايدا كولدەر مەن وزەندەردەن بولەك, وي-شۇڭقىر مەن ساي-سالا سۋعا تولىپ, حالىق قيىندىقپەن بەتپە-بەت كەلەدى. «قازگيدرومەتتىڭ» گيدرولوگيالىق حابارلاۋىنا سايكەس, استانا سۋ قويماسىنا كوكتەمگى سۋ تاسقىنى اعىنىنىڭ كۇتىلەتىن كولەمى نورمادان جوعارى.
– جەكە سەكتوردىڭ تۇرعىندارى ءۇيدىڭ اۋماعىنان قاردى جول جيەگىنە شىعارىپ, ۇيدەن اعىندى سۋلارعا نەمەسە سۋ وتكىزگىش قۇبىرلارعا سۋ بۇرعىشتار ورناتۋى كەرەك. ەگەر اۋلانى سۋ باسقان جاعدايدا 109 ءنومىرى بويىنشا «Ikomek» قالالىق مونيتورينگ جانە جەدەل دەن قويۋ ورتالىعىنا, 112 ءنومىرى بويىنشا قۇتقارۋ قىزمەتىنە شۇعىل حابارلاۋدى سۇرايمىز, – دەدى سالاعا جاۋاپتى باسشى باقىتجان ماۋلەنبەرديەۆ.
