ەلوردادا قارتتار كۇنىنە وراي بايقوڭىر اۋدانىندا زەينەتكەرلەرگە بوس ۋاقىتىن ءتيىمدى وتكىزۋگە ارنالعان «بايقوڭىر» جانە «بەرەكە» اتتى ەكى الەۋمەتتىك ورتالىق اشىلدى.
بۇل ەكى كلۋب قالاداعى پۋشكين كوشەسى مەن چەحوۆ كوشەسىندە ورنالاسقان. ورتالىقتىڭ اشىلۋىنا اۋدان باسشىسى ەرلان قاناليموۆ پەن قالالىق ارداگەرلەر كەڭەسىنىڭ توراعاسى سانسىزباي ەسىلوۆ قاتىسىپ, جينالعان زەينەتكەرلەردى ءتول مەرەكەسىمەن قۇتتىقتاپ, يگى تىلەكتەرىن ءبىلدىردى. ورتالىقتىڭ بولمەلەرى قاجەتتى جيھازدارمەن, قۇرال-جابدىقتارمەن جاراقتالعان. «ەندى وسى جەرگە جاسى ەگدە تارتقان كىسىلەر كەلىپ, گازەت-جۋرنال وقيدى. شاحمات جانە تاعى باسقا سپورتتىق ويىندار وينايدى. ءتىپتى جاي عانا ءبىر-بىرىمەن تانىسىپ, شاي ءىشىپ, اڭگىمە-دۇكەن قۇرادى. سوندىقتان وسى ورتالىقتى اشۋعا مۇرىندىق بولعان ازاماتتارعا العىسىمدى ايتامىن» دەدى اۋداندىق ارداگەرلەر كەڭەسى توراعاسىنىڭ ورىنباسارى الما التىباەۆا.
رەتى كەلگەندە ايتىپ وتەيىك, بۇل ەكى كلۋب اۋدانداعى زەينەتكەرلەرگە ارنالعان العاشقى ورتالىق ەمەس. بۇعان دەيىن وسىنداي ءتورت ورتالىق اشىلدى. ەندى جىل سوڭىنا دەيىن تاعى دا ەكى شاعىن ورتالىق اشۋ كوزدەلىپ وتىر.
