قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان رەسپۋبليكا سىنىڭ مەملەكەتتىك قورعانىس كوميتەتىن قازاقستان رەسپۋبليكاسىنىڭ قورعانىس مينيسترلىگى ەتىپ قايتا قۇرۋ تۋرالى» 1992 جىلدىڭ 7 مامىرداعى №738 جارلىعىنىڭ نەگىزىندە قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى.
باۋىرجان لەكەروۆ,
استانا قالاسى قورعانىس ىستەرى جونىندەگى دەپارتامەنتىنىڭ باستىعى, پولكوۆنيك
قازاقستاندىق ارميا قۇرۋ بارىسىندا بارلىق اسكەري قۇرىلىمداردى ۆزۆودتان ديۆيزياعا دەيىن وفيتسەر كادرلارىنىڭ جەتىسپەۋشىلىگى وتكىر ماسەلە بولدى.ەل پرەزيدەنتىنىڭ جارلىقتارىمەن جانە وكىمدەرىمەن قورعانىس مينيسترلىگىنىڭ باسشىلىق قۇرامى بەلگىلەندى. تۇڭعىش مينيستر بولىپ كسرو قارۋلى كۇشتەرىنىڭ ساپىندا ۇلى وتان سوعىسىن باستان كەشكەن, كەڭەس وداعىنىڭ باتىرى اتانعان تانىمال كوماندير ءارى جوعارى باسشىلىق قۇرامىندا بولعان قولباسشى ساعادات نۇرماعامبەتوۆ تاعايىندالدى. كوپتەگەن وفيتسەرلەر ناعىز پاتريوت رەتىندە وتان ۇنىنە قۇلاق ءتۇرىپ, ۇلتتىق ارميانىڭ قاتارىن تولىقتىردى.وتانىنا قىزمەت ەتۋگە ءازىر ەكەندىكتەرىن ءىس جۇزىندە دالەلدەپ, تۋعان ەلگە بەت تۇزەدى.
1992 جىلدىڭ 22 جەلتوقسانىندا قازاقستان رەسپۋبليكاسى قورعانىسىن ۇيىمداستىراتىن نەگىزدەمەنى بەلگىلەيتىن, مەملەكەتتىك بيلىك پەن باسقارۋشى ورگاندارعا وكىلەتتىك بەرەتىن «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» قازاقستان رەسپۋبليكاسىنىڭ زاڭى قابىلداندى. قازاقستان رەسپۋبليكاسى قارۋلى كۇشتەرى اسكەري قىزمەتشىلەرىنىڭ اسكەري انتىنىڭ ءماتىنى جاسالىپ, پرەزيدەنتتىڭ 1992 جىلعى 25 تامىزداعى جارلىعىمەن ىسكە اسىرىلدى.وسى كەزدەردەن اسكەري كوميسساريات وكىلدەرىنە قويىلاتىن تالاپ پەن تاپسىرمالار ۇلعايا باستادى.اسكەري كوميسساريات ازاماتتاردى قارۋلى كۇشتەر قاتارىنا شاقىرۋ, سارباز, سەرجانت پەن زاپاستاعى وفيتسەرلەردى جانە اسكەري تەحنيكالاردى ەسەپكە قويۋمەن قاتار, بىرقاتار الەۋمەتتىك سالاداعى ىستەرگە دە ەتەنە ارالاستى.
2004 جىلعى 10 مامىردان قازاقستان رەسپۋبليكاسى قورعانىس ءمينيسترىنىڭ نۇسقاۋىمەن استانا قالاسى قورعانىس ىستەرى جونىندەگى دەپارتامەنت بولىپ اتالىپ, جاڭا شتات بەكىتىلدى.
جىل سايىن دەپارتامەنت تاراپىنان 30-دان اسا اسكەري-پاتريوتتىق باعىتتاعى ءىس-شارالار اتقارىلادى. استانا قالاسىنىڭ ءبىلىم باسقارماسىمەن بىرلەسە كوپتەگەن اسكەري-پاتريوتتىق جانە سپورتتىق كلۋبتار قۇرىلۋدا. بۇگىنگى تاڭدا ولاردىڭ سانى 60-قا جەتەدى.
الداعى ۋاقىتتا دا دەپارتامەنتتىڭ الدىندا قورعانىس ىستەر سيپاتىندا قىرۋار شارۋالار كۇتىپ تۇر. اكىمشىلىك-ايماقتىق اۋماعىندا جەرگىلىكتى اتقارۋشى ورگاندارمەن بىرلەسكەن جۇمىلدىرۋ جانە جۇمىلدىرۋدى ءورىستەتۋ ءىس-شارالارى اتقارىلۋدا. وسىدان اسكەري ەسەپكە الۋ, كولىكتىك تەحنيكالاردى ەسەپكە قويۋ, ازاماتتاردى اسكەري قىزمەتكە شاقىرۋ جانە كەلىسىمشارت بويىنشا شاقىرىلۋعا ۇمىتكەرلەردى قارۋلى كۇشتەر مەن باسقا دا اسكەري قۇرالىمدار قاتارىنا اسكەري قىزمەتكە ىرىكتەۋ, سونىمەن قاتار جاستاردى اسكەري-پاتريوتتىق سانادا تاربيەلەۋ سياقتى ماڭىزدى تاپسىرمالارى بوي كوتەردى.
قر قورعانىس ءمينيسترى, گەنەرال-پولكوۆنيك س.جاسۇزاقوۆ اتاپ وتكەندەي, قازاقستان رەسپۋبليكاسىنىڭ جاڭا تاريحىنىڭ 25 جىلى ىشىندە ەلباسى – قارۋلى كۇشتەردىڭ جوعارعى باس قولباسشىسىنىڭ تىكەلەي قولداۋ كورسەتۋىنىڭ ارقاسىندا بۇگىندە قازاقستاننىڭ جاۋىنگەرلىك قابىلەتتى اسكەرى بار.قازىرگى تاڭدا اسكەرگە شاقىرىلۋشىلار قاتارىنىڭ ارتا ءتۇسۋى قارۋلى كۇشتەردەگى كومانديرلەر مەن باسشىلاردىڭ كاسىبي دەڭگەيىنىڭ ارتۋى, الەۋمەتتىك جاعدايلاردىڭ جاقسارۋى مەن جاس جەتكىنشەكتەر اراسىنداعى اسكەري-پاتريوتتىق ءىس-شارالاردىڭ ءوز دەڭگەيىندە جۇرگىزىلىپ جاتقاندىعىنان دەپ بىلەمىن.
زاماننىڭ تالابىنا سايكەس, ەرتەڭگى كۇنىمىزدى ويلاۋ ماقساتىندا بەلگىلەنگەن جاۋىنگەرلىك دايارلىقتىڭ باعىتتارى بويىنشا بارلىق اسكەري سالادا زاماناۋي سوعىس پەن قارۋلى شيەلەنىستەردىڭ سيپاتىنا سايكەس اسكەري بولىمدەر مەن قۇرامالاردىڭ جاۋىنگەرلىك جانە جۇمىلدىرۋ ازىرلىگىن ارتتىرۋ بويىنشا جۇمىستار جىگەرلى جالعاسۋدا.بيىلعى 2017 وقۋ جىلى «قارۋلى كۇشتەردىڭ 25 جىلدىعىنا – جوعارى جاۋىنگەرلىك ازىرلىك!» ۇرانىمەن ءوتىپ جاتقاندىعىن اتاپ وتكىم كەلەدى. بارشا وتانداستارىمدى ايبىندى اسكەرىمىزدىڭ مەرەيلى مەرەكەسىمەن قۇتتىقتايمىن!
