استانا قالاسى قوعامدىق دەنساۋلىق ساقتاۋ دەپارتامەنتى مەن ۇلتتىق ساراپتاما ورتالىعى فيليالىنىڭ ماماندارى «استانالىق» ساۋدا ۇيىندە «قاۋىپسىز ءونىمدى تاڭدا» شاراسىن وتكىزدى.
شارا بارىسىندا اتالمىش ساۋدا ۇيىنە كەلۋشىلەر ءدال وسى جەردەن ساتىپ العان ازىق-تۇلىكتەرىنىڭ ساپاسىن تەكسەرۋگە مۇمكىندىك الدى. ياعني, سانيتارلىق-حيميالىق, باكتەريولوگيالىق زەرتحانا ماماندارى ونىمدەردىڭ قۇرامىندا نيتراتتىڭ قالدىعى, تاعامداردىڭ ميكروبتىق لاستانۋى مەن ءسۇت ونىمدەرىنىڭ قىشقىلدىعى جوق ەكەنىن انىقتاپ, سونىمەن قاتار بال ونىمدەرىنىڭ دە تازا, ەشبىر قوسپاسىز ەكەندىگىنە كوز جەتكىزۋ ءۇشىن ەكسپرەسس ادىسپەن تەگىن زەرتتەۋ جۇمىستارىن جۇرگىزدى.
استانا قالاسى قوعامدىق دەنساۋلىق ساقتاۋ دەپارتامەنتى الماتى اۋداندىق باسقارماسى باسشىسىنىڭ ورىنباسارى گاۋحار شاپاتاەۆا:
– «Hy-lite» دەپ اتالاتىن زاماناۋي اپپاراتتىڭ كومەگىمەن ازىق-تۇلىكتىڭ كەز كەلگەن ءتۇرىن جىلدام تەكسەرىپ, ناتيجەسىندە ءونىم مەرزىمىنىڭ وتكەن-وتپەگەنىن, قولدانۋعا جارامدى-جارامسىزدىعىن وپ-وڭاي انىقتاۋعا بولادى. ەگەر تەكسەرىس كەزىندە ونىمدەردىڭ ساپاسى ويداعىداي بولماعان جاعدايدا, ساۋداگەرلەرگە جاۋاپتى مەكەمەلەر تاراپىنان ءتيىستى شارالار قولدانىلادى, – دەيدى تىلشىلەرگە بەرگەن سۇحباتىندا.
مامانداردىڭ ايتۋىنشا, وسىعان دەيىن «اسەم», «شاپاعات» ساۋدا ۇيلەرىندە وتكىزىلگەن مۇنداي شارا قالاداعى باسقا دا ساۋدا ۇيلەرىندە جىل سوڭىنا دەيىن ايىنا ەكى رەت وتكىزىلىپ تۇرماق. سونداي-اق, شارا بارىسىندا ۇيىمداستىرۋشىلار تۇتىنۋشىلارعا دۇرىس تاماقتانۋ, سانيتارلىق-ەپيدەميولوگيالىق
سالاۋاتتىلىقتى قامتاماسىز ەتۋ تۇرعىسىنداعى سۇراقتارىنا دا جاۋاپ بەرىپ, كەڭەستەرىن ايتتى.
نۇرداۋلەت كاكىشەۆ
