ەۋرازيالىق ەكونوميكالىق وداقتىڭ (ەاەو) تۇرعىندارى دەنساۋلىعىنا قاۋىپتى ونىمدەردى تۇتىنىپ ءجۇر.
جاقىندا قىتاي ماماندارى ەاەو ەلدەرىنەن ەكسپورتتالعان سويا مايى مەن راپستان گەندى موديفيتسيرلەنگەن اعزالاردى تاۋىپ, ءونىمدى شىعارعان ەلگە شاعىم جىبەرگەن. ال ونىمگە تەكسەرۋ جۇرگىزگەن باقىلاۋشى ورگان رەسەيدىڭ – چۋۆاشيا, ستاۆروپول, تاتارستان, حاباروۆ ولكەسى, نيجەگورود, ۆولگوگراد, تۋلا وبلىستارىندا زاڭ جۇزىندە تىيىم سالىنعانىنا قاراماستان سويا مايى مەن راپسقا قوساتىن گەندى-موديفيتسيرلەنگەن ونىمدەردىڭ وسىرىلەتىنىن انىقتاعان.
مۇنداي جاعا ۇستاتارلىق جاڭالىقتى «حالىق» پارتياسىنىڭ توراعاسى ايقىن قوڭىروۆ جاريا ەتتى. «قۇجاتتاردى تەكسەرۋ ناتيجەسىندە ونىمدەردىڭ حالىقارالىق ستاندارتتارعا سايكەستىگى تۋرالى دەكلاراتسيانىڭ كوپشىلىك بولىگى وتىرىك تولتىرىلادى ەكەن. سويتسە, جالعان دەكلاراتسيالار جالعان زەرتحانالاردىڭ حاتتامالارى نەگىزىندە, ەشقانداي مىندەتتى زەرتتەۋلەر جۇرگىزىلمەي جاسالاتىنى انىقتالدى. «روسسەلحوزنادزور» ماماندارى: «سويا مايى-گمو جانە راپس-گمو انىقتالعانىن ەسكەرسەك, رەسەيدە بۇدان باسقا دا گمو-داقىلدار ءوسىرىلۋى مۇمكىن» دەپ مالىمدەدى. مۇنداي قاۋىپتى تاۋارلار بىزگە دە كەلىپ جاتقانى انىق. ويتكەنى شەكارامىز اشىق. دەمەك, الداعى ۋاقىتتا وسىنداي دەنساۋلىققا قاۋىپتى ونىمدەردى تۇتىنامىز. مۇنداي بىلىق-شىلىققا توسقاۋىل قويۋ ءۇشىن ءبىز ۇكىمەتكە ارناۋلى دەپۋتاتتىق ساۋال دايىنداپ جاتىرمىز» دەپ جازدى ايقىن قوڭىروۆ الەۋمەتتىك جەلىدەگى پاراقشاسىندا.