الداعى 31 مامىر مەن 2 ماۋسىم ارالىعىندا ەلوردادا العاش رەت «Nur-Sultan Ethno Fest» اتتى ەتنومادەني مەرەكەسى وتەدى. بۇل ايتۋلى شارانى قالالىق اكىمدىك قازاقستاننىڭ ەتنوسپورت قاۋىمداستىعىمەن بىرلەسىپ ۇيىمداستىرىپ وتىر.
«حان-شاتىر» ساۋدا, ويىن-ساۋىق ورتالىعىنىڭ الاڭىندا كيىز ۇيلەر تىگىلىپ, اتتار مەن قىران قۇستار كورمەسى ۇيىمداستىرىلادى, سونداي-اق كەلۋشىلەر قۇمىرا جاساۋ ىسىمەن تانىسادى, ورتاعاسىرلىق ستيلدەگى ەتنوبازاردى ارالايدى.
ەتنواۋىل اۋماعىندا ورنالاسقان كيىز ۇيلەردىڭ جانىنان ۇلتتىق كادەسىيلار ساتىلاتىن ارنايى جارمەڭكە وتەدى. ەلوردا تۇرعىندارى مەن قوناقتارى ءۇش كۇندىك فەستيۆال اياسىندا اقىندار ايتىسى, مەرەكەلىك كونتسەرت سياقتى شارالاردى تاماشالاپ, نايزا لاقتىرۋ, قول كۇرەسى, ماس-رەستلينگە, ساداق اتۋ جانە سەركە كوتەرۋ جارىستارىندا كۇش سىناسادى.
«بۇل فەستيۆالدىڭ ەرەكشەلىگى – جينالعان قاۋىم قازاق حالقىنىڭ سالت-ءداستۇرى جانە ادەت-عۇرپىمەن ەتەنە تانىسادى. شارا اياسىندا ساداق اتۋدان ءبىرىنشى رەت «التىن جەبە» اتتى الەم چەمپيوناتى ءوتىپ, وعان الەمنىڭ 20 ەلىنىڭ مەرگەندەرى قاتىسادى» دەيدى مادەنيەت جانە سپورت باسقارماسىنىڭ باسشىسى بولات ماجاعۇلوۆ.
سونىمەن قاتار 1 ماۋسىم – بالالاردى قورعاۋ كۇنى قارساڭىندا «Nur-Sultan Ethno Fest» اۋماعىندا بالالارعا ارنالعان اتتراكتسيوندار جۇمىس ىستەيدى. فەستيۆالدىڭ كىشكەنتاي قوناقتارى ەلوردالىق قۋىرشاق تەاترىنىڭ ۇزدىك قويىلىمدارىن تەگىن تاماشالايدى, اتقا ءمىنىپ, اسىق اتۋ, لاڭگى ويىندارىن وينايدى, وتباسىلىق ەستافەتاعا قاتىسادى.
ايتا كەتەيىك, فەستيۆالدىڭ رەسمي اشىلۋى 31 مامىردا كەشكى ساعات 19:00-دە باستالادى.
