قىزىل شەڭگەل قۇرساۋىنداعى قيىن-قىستاۋ كەزەڭىندە قازاق جەرىنە ميلليونداعان ادام ءوز ىرقىنسىز جەر اۋدارىلىپ كەلگەن. ولاردى جەرگىلىكتى قازاق حالقى قۇشاعىن جايىپ, تۋعانىنداي قابىلداپ, باۋىرىنا باسقان. ولاردىڭ ءبارى قازاق جەرىن پانالاپ, كوسەگەسى قازاق ەلىمەن بىرگە كوگەردى. قازاقتىڭ مۇنداي دارحان كوڭىلى ەشقاشان ۇمىتىلماق ەمەس. مەملەكەت باسشىسىنىڭ جارلىعىمەن 2016 جىلعى 1 ناۋرىزدان بەرى وتانىمىزدا العىس ايتۋ كۇنى سالتاناتپەن اتالىپ ءوتىپ كەلەدى.
