قازاق كىتاپتارى – لاتىن الىپبيىندە
كەشە «قازاقستان-2050» جالپىۇلتتىق قوزعالىسى قر ۇلتتىق اكادەميالىق كىتاپحاناسىمەن بىرلەسىپ, «Men qoldaimyn» شاراسى اياسىندا «Qazaq kitaptary 1929-1940» اتتى لاتىن ءالىپبيىمەن جازىلعان كىتاپتاردىڭ كورمەسىن ۇيىمداستىردى. شاراعا اتالمىش قوزعالىس كەڭەسىنىڭ توراعاسى مۇحتار مانكەەۆ جانە كىتاپحانا ديرەكتورىنىڭ ورىنباسارى ءاليا قوجابەكوۆا قاتىستى.
مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعانداي, قازاق ءالىپبيىن لاتىن الىپبيىنە كوشىرۋ باستاماسىنا قولداۋ ءبىلدىرۋ ماقساتىندا ۇيىمداستىرىلعان كورمەگە قازاق زيالى قاۋىم وكىلدەرىنىڭ 1929-1940 جىلدارى شىققان ەڭبەكتەرى قويىلدى. سونىمەن قاتار وعان كەلگەندەر شەتەلدىك اقىن-جازۋشىلاردىڭ ەڭبەكتەرىمەن تانىستى.
ەلباسى: «لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتانىڭ, كوممۋنيكاتسيانىڭ, سونداي-اق, ءححى عاسىرداعى عىلىمي جانە ءبىلىم بەرۋ پروتسەسىنىڭ ەرەكشەلىكتەرىنە بايلانىستى» دەپ اتاپ وتكەن بولاتىن.
لاتىن ءالىپبيى نەگىزىندەگى قازاق ءالىپبيىن جاساۋ يدەياسىن وتاندىق عالىمدارمەن قاتار شەتەلدىك عالىمدار قولدادى. قازىرگى ۋاقىتتا قوعام تالقىسىنا كەڭىنەن سالىنىپ, حالىق تاراپىنان قولداۋ تاپقان باستاماعا «قازاقستان-2050» جالپىۇلتتىق قوزعالىسى دا ءۇن قوسىپ وتىر.
امانعالي
قالجانوۆ