«اق جول» دەموكراتيالىق پارتياسى مەملەكەتتى «قازاق رەسپۋبليكاسى» دەپ اتاۋدى ۇسىندى. پارتيا مۇشەلەرى ەل ەسىمىنىڭ جاڭارۋى قازاقستاننىڭ جاڭعىرۋىنا الىپ كەلەرىنە سەنىمدى.
بۇل تۋرالى پارتيا باسشىسى ازات پەرۋاشەۆ XVI قۇرىلتايدا پارتيانىڭ سايلاۋالدى باعدارلاماسىن تانىستىرىپ, سويلەگەن سوزىندە مالىمدەگەن. «بيىل «الاش» اۆتونومياسىنان باستاۋ الاتىن جانە قازىرگى قازاقستاننىڭ نەگىزىن قالاعان قازاق رەسپۋبليكاسىنا 100 جىل تولدى. الدىمەن قاتەلەسىپ «قىرعىز» اۆتونوميالىق رەسپۋبليكاسى دەپ اتالىپ, 5 جىلدان كەيىن سۇلتانبەك قوجانۇلى, ساكەن سەيفۋللين, جالاۋ مىڭبايۇلى جانە دە باسقا تۇلعالاردىڭ ارقاسىندا رەسپۋبليكامىزعا ۇلتىمىزدىڭ ءتول اتاۋى قايتارىلدى. وتكەن جىلى «اق جول» دەموكراتيالىق پارتياسى ۇكىمەتكە بۇل تاريحي داتانى رەسمي اتاپ ءوتۋدى جانە «قازاقستان» اتىمەن قاتار, توتاليتارلىق كەڭەس بيلىگىنىڭ ءوزى مويىنداعان «قازاق رەسپۋبليكاسى» اتاۋىن قولدانۋ تۋرالى ماسەلەنى كوتەردى. بۇل باستامانى ش.ءۋاليحانوۆ اتىنداعى تاريح ينستيتۋتى دا قولدادى, بىراق ءبىزدىڭ شەنەۋنىكتەر ءۇنسىز قالدى. سوندا دا ءبىز تاريحي بىرەگەيلىگىمىزدى بىلدىرەتىن «قازاق رەسپۋبليكاسى» مەملەكەتتىك اتاۋىن قايتارۋدى ءجون دەپ سانايمىز» دەدى ازات پەرۋاشەۆ.
ال «قازاق رەسپۋبليكاسى» اتانۋ «اق جول» پارتياسىنىڭ تۇتاس سايلاۋالدى باعدارلاماسى كەشەنىندە ايتىلدى. وندا پارتيا پارلامەنتاريزم ينستيتۋتتارىن كۇشەيتۋدى جانە سۋپەرپرەزيدەنتتىك جۇيەدەن پارلامەنتتىك رەسپۋبليكاعا كەزەڭ-كەزەڭىمەن كوشۋدى جاقتايدى. ەل اتاۋىنىڭ وزگەرۋى رەسپۋبليكا ىشىندە وڭ وزگەرىستەر, ساياسي, الەۋمەتتىك جانە ەكونوميكالىق رەفورمالار جاسايدى.
ەستەرىڭىزدە بولسا, 2014 جىلدىڭ اقپان ايىندا ەلباسى نۇرسۇلتان نازارباەۆ مەملەكەتىمىزدى «قازاق ەلى» دەپ قايتا اتاۋدى ۇسىنعان ەدى.