قازاقستان – دوستىق مەكەنى
استانا قالاسىنىڭ قازاقستان حالقى اسسامبلەياسى العىس ايتۋ كۇنىنە ورايلاستىرىپ دوستىقتى دارىپتەگەن شارا وتكىزدى.
ەلوردامىزدا دوستىق ءۇيىنىڭ بولماۋىنا بايلانىستى وسى كۇنگە دەيىن ەتنومادەني ورتالىقتارىنىڭ جۇمىسىن ءبىر جەردەن ۇيلەستىرىپ, ءبىر جەردە باس قوسۋىنا ءمۇمكىندىك بولماعان ەدى. قالا اكىمدىگىنىڭ قولداۋىمەن «مارجان» بيزنەس ورتالىعى ورنالاسقان عيماراتتىڭ ءبىر قاباتى ەتنومادەني ورتالىقتارىنا ءبولىندى. ولاردىڭ شىعارماشىلىق ۇجىمدارىنا ارنالعان كەڭ زالى دا بار. الداعى جازدا وتەتىن ەكسپو-2017 كورمەسى قارساڭىندا ءبىزدىڭ ەتنومادەني ورتالىقتارىنىڭ كۇشىمەن قويىلاتىن بىرنەشە كونتسەرتتىك باعدارلامامىز جوسپارلانىپ وتىر. قازىر كوستيۋمدەرگە تاپسىرىس بەرىپ, دايىندىققا كىرىسىپ تە كەتتىك» دەدى ەلوردالىق اسسامبلەيا حاتشىلىعىنىڭ مەڭگەرۋشىسى ءلاززات قۇسايىنوۆا. قالالىق ءماسليحات دەپۋتاتى زەينۋللا شيبكەنوۆ اسسامبلەيا ءمۇشەلەرىن جاڭا قونىسىمەن قۇتتىقتاپ, جۇمىستارىنا ساتتىلىك تىلەدى.
وسىندا ورىن تەپكەن 11 ەتنومادەني بىرلەستىكتەر «دوستىق داستارحانىن» جايدى. ءاربىر مادەني ورتالىقتاردىڭ وكىلدەرى ۇلتتىق اس ءمازىرىن دايىنداپ, بارشاسى ءبىر داستارحان باسىندا جينالدى.
استانالىق اسسامبلەيانىڭ قادىرلى اقساقالى, «ۆايناح» شەشەن-ينگۋش مادەني ورتالىعىنىڭ جەتەكشىسى سالمان گەروەۆ ءوز سوزىندە قازاق حالقىنا ىقىلاسىن ءبىلدىردى.
– العىس ايتۋ كۇنى وتكەن جىلى العاش رەت ەلباسىنىڭ باستاماسىمەن, مەيىرىمدىلىكتىڭ, بۇكىل قازاقستاندىقتاردىڭ ءبىر-بىرىنە دەگەن دوستىعىنىڭ جارقىن مەرەكەسى رەتىندە جاريا ەتىلگەن بولاتىن. قازاق جەرىنە, قازاق حالقىنا ەرەكشە العىستى ەتنوستاردىڭ ءبىرى – شەشەن-ينگۋشتەر. ستاليندىك قۋعىن-سۇرگىن كەزىندە بىزدەرگە پانا بولىپ, جەر اۋىپ كەلگەن حالىق امان قالدى. سول سەبەپتى سول اۋىر كۇندەردى ريزاشىلىقپەن دە ەسكە الامىز. قازاقستان بۇگىندە دوستىق مەكەنىنە اينالىپ وتىر. مادەني ورتالىقتار اشىپ, ءوز تاريحىمىزدى, مادەنيەتىمىزدى بىلۋگە بار مۇمكىندىك جاسالىپ, قازاق جەرىندە قازاق حالقىنىڭ ارقاسىندا جاساپ جاتىرمىز, – دەدى.
ۋكراين مادەني ورتالىعىنىڭ جەتەكشىسى تامارا شيرمەر دە وسى تىلەككە قوسىلىپ, قوعامدىق كەلىسىم مەن بىرلىكتىڭ ارقاسىندا قول جەتكەن جەتىستىكتەرىن باياندادى.
ءبىر قاباتقا تۇگەل ورنالاسقان ەتنومادەني بىرلەستىكتەرىنىڭ اراسىندا قۇرىلعانىنا بيىل 10 جىل تولىپ وتىرعان وزبەك اعايىنداردىڭ ورتالىعى دا بار. شەرزود پۋلاتوۆ جاقىندا وتكىزگەن شىعىس شايىرى الىشەر ءناۋايدىڭ مۇراسىنا ارنالعان كەش تۋرالى بايانداپ بەردى. وسى كەشتە قازاق, وزبەك, ورىس تىلدەرىندە اقىننىڭ عازالدارىن وقىعان ستۋدەنت جاستار رۋحانياتقا بويلاپ, ەكى ەلدەن كەلگەن قوعام قايراتكەرلەرىنىڭ سۇحباتى كەشكە ءمان بەرگەنىن قۋانا جەتكىزدى.
ەلوردالىق اسسامبلەيا جۇمىسىن جانداندىرىپ, جاڭا سەرپىن بەرگەن وقيعا العىس ايتۋ كۇنى ءوتتى. ونىڭ ونەگەسى مەن سىيلاستىق ۇلگىسى حالىقتى توپتاستىراتىنىنا تاعى دا كوزىمىز جەتتى.
ايگۇل ۋايسوۆا