قازاقستان پرەزيدەنتى قىتاي حالىق رەسپۋبليكاسىنا مەملەكەتتىك ساپارمەن باردى. قاسىم-جومارت توقاەۆ بەيجىڭدە قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىنا قاتىستى جانە قىتاي قوعامدىق عىلىمدار اكادەمياسىندا ءدارىس وقىدى. مەملەكەت باسشىسى قحر توراعاسى سي تسزينپينمەن, قحر مەملەكەتتىك كەڭەسىنىڭ پرەمەرى لي كەتسيانمەن جانە قىتايدىڭ بىرقاتار ساياسي جانە ىسكەرلىك توپتارىمەن كەلىسسوزدەر وتكىزدى.
«قازاقستان پرەزيدەنتى قىتايعا جاساعان ەكى كۇندىك ساپارىنىڭ اياسىندا حانچجوۋ قالاسىنا دا بارىپ, يننوۆاتسيالىق ونىمدەردى الەمدىك نارىققا شىعارۋ بويىنشا كوشباسشى «Hikvision» كومپانياسىنىڭ جۇمىسىمەن تانىستى. سونىمەن قاتار باعدارلاما بويىنشا «Alibaba» كومپانياسىنىڭ كەڭسەسىنە بارىپ, دجەك مامەن كەزدەسۋ جوسپارلانعان. قازاقستان پرەزيدەنتى قاسىم-جومارت توقاەۆ قىتاي حالىق رەسپۋبليكاسىنا باستالعان مەملەكەتتىك ساپارى اياسىنداعى جوسپارلانعان كەزدەسۋلەردىڭ بارلىعىندا بايانداماسىن قازاق تىلىندە جاسادى. اتاپ ايتساق, مەملەكەت باسشىسى قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىندا سويلەگەن ءسوزىن, سونداي-اق, قحر ىسكەر توپتارىنىڭ وكىلدەرىمەن كەزدەسۋىندەگى ءسوزىن جانە قىتاي قوعامدىق عىلىمدار اكادەمياسىنداعى بايانداماسىن تولىعىمەن مەملەكەتتىك تىلدە جاسادى.
وسىعان وراي ءبىز بۇگىن ساياساتكەر ەرمۇحامەد ەرتىسباەۆتىڭ قازاقستان-قىتاي قاتىناستارى تۋرالى وي تولعانىسىن جاريالاپ وتىرمىز.
