قازاقستاندىق كولىك كوبەيدى

«AllurAuto» كومپانياسى رەسمي تۇردە تاعى ءبىر جاڭا قازاقستاندىق جول تالعامايتىن كولىكتىڭ تۇساۋىن كەستى.

«SsangYong Nomad» اتالاتىن وتاندىق ءدجيپتى باق وكىلدەرى سىناپ كوردى. كورەيا­لىق جانە وتاندىق ماماندار جوبا بويىنشا جۇمىس ىستەۋ بارىسىندا ەكى جىل بويى بىرقاتار زەرتتەۋلەر مەن تالداۋلار جۇرگىزگەن بولاتىن. سونىڭ ناتيجەسىندە, ۇساق توراپتى تاسىلمەن ءارى 30 پايىزدىق تۇيىقتاۋ ارقىلى وندىرىلگەن قازاقستاندىق العاشقى جوبا «SsangYong Nomad» كوپشىلىككە ۇسىنىلىپ وتىر.

قوزعالتقىشتىڭ جانارماي تۇتىنۋ كولەمى – 2.3 ليتر, قۋاتى 150 ا.ك. بولاتىن جاڭا كولىكتىڭ ساۋداداعى قۇنى 23 700 جانە 28 300 اقش دوللارى ارالىعىندا بولماقشى. اۆتوكولىك ليتسەنزيالى «مەرسەدەس-بەنس» قوزعالتقىشىمەن, تولىق جەتەك جۇيەسى, سونداي-اق زاماناۋي قاۋىپسىزدىك جۇيەسىمەن جابدىقتالعان.

قازاقستان اۆتوبيزنەس قاۋىمداستىعىنىڭ توراعاسى اندرەي لاۆرەنتەۆتىڭ ايتۋىنشا, نارىقتاعى احۋال مەن سۇرانىسقا بايلانىستى بيىل بۇل كولىكتىڭ 2 400 داناسىن جاساپ شىعارۋ جوسپاردا بار. قازىرگى تاڭدا زاۋىتتا وسى جەلى بويىنشا 600 مامان ءار ءتۇرلى قىزمەت اتقارادى.

ال 2017 جىلعا دەيىن جۇمىسشىلار سانى 2 000 ادامعا دەيىن ارتادى دەگەن بولجام بار.

«وسىدان ءتورت جىل بۇرىن قازاقستاندا الەمدىك برەندتەردى تارتۋعا مۇمكىندىك بەرەتىن اۆتوكولىك يندۋسترياسىنىڭ دامۋىنا ەكىنىڭ ءبىرى سەنە بەر­مەيتىن. بۇگىندە قازاقستاننىڭ جاڭا يندۋستريالدى دامۋ كوشىنىڭ قارساڭىندا تۇرعاندىعىنا ءوزىمىز كۋا بولىپ وتىرمىز. «SsangYong Nomad» – بۇل قادامىمىزدىڭ العاشقىسى عانا» دەدى ول.