تۇركيا اسكەري قىزمەتشىلەرى قازاقستاننىڭ اسكەري جوعارى وقۋ ورىندارىندا بولدى, دەپ حابارلايدى astana-akshamy.kz
تۇركيا رەسپۋبليكاسى ۇلتتىق قورعانىس ۋنيۆەرسيتەتىنىڭ جانە باسقا دا جەتەكشى وقۋ ورىندارىنىڭ وكىلدەرى الماتى, اقتوبە جانە استانا قالالارىنداعى اسكەري جوعارى وقۋ ورىندارىندا بىرقاتار كەزدەسۋلەر وتكىزدى.
الماتىدا تۇرىك ماماندارىنىڭ قاتىسۋىمەن قۇرلىق اسكەرلەرىنىڭ اسكەري ينستيتۋتى مەن راديوەلەكترونيكا جانە بايلانىس اسكەري-ينجەنەرلىك ينستيتۋتىندا سەمينارلار مەن ترەنينگتەر ۇيىمداستىرىلدى. وقۋ ورنىنىڭ ەرەكشەلىگىن ەسكەرە وتىرىپ, مۇنداي ساباقتار اقتوبەدەگى تالعات بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتىندا دا ءوتتى.
ۇلتتىق قورعانىس ۋنيۆەرسيتەتىندە تۇركيادان كەلگەن ارىپتەستەردىڭ قاتىسۋىمەن سيمپوزيۋمدار ۇيىمداستىرىلدى. وندا اسكەري عىلىم وكىلدەرى اسكەري شەشىمدەر قابىلداۋ تاجىريبەسىن, سونداي-اق اسكەرلەردى ورىستەتۋ مەن اسكەرلەردى باسقارۋداعى كوشباسشىلىق قاسيەتتەردىڭ اسەرىن تالقىلادى.
تاجىريبە الماسۋلار قازاقستان مەن تۇركيا قورعانىس ۆەدومستۆولارى اراسىنداعى بيىلعى جىلعا ارنالعان ەكىجاقتى ىنتىماقتاستىق شەڭبەرىندە ءوتتى.
