قوعامدىق كەڭەستىڭ 2016 جىلعا ارنالعان بيۋدجەتتى ناقتىلاۋ جونىندەگى وتىرىسى ءوتتى
استانادا 2016 جىلعا ارنالعان بيۋدجەتتى ناقتىلاۋ ماسەلەسى بويىنشا قوعامدىق كەڭەس وتىرىسى ءوتتى. قر بيۋدجەت كودەكسىنىڭ 104-بابىنا سايكەس ناقتىلاۋ جىل باسىنداعى بيۋدجەت قاراجاتىنىڭ قالدىقتارىن ۇلەستىرۋگە بايلانىستى جۇرگىزىلەدى.
جەرگىلىكتى بيۋدجەت قارجىسىن يگەرۋدىڭ مونيتورينگى ناتيجەلەرىنىڭ نەگىزىندە ىشتەي قايتا ۇلەستىرۋ ارقىلى جەكەلەگەن بيۋدجەتتىك باعدارلامالار بويىنشا جوسپارلى تاعايىنداۋلار قايتا قارالدى, ولاردى الەۋمەتتىك سالاداعى – ءبىلىم, دەنساۋلىق ساقتاۋ, الەۋمەتتىك قورعاۋ جانە قالانى دامىتۋداعى تىعىز ماسەلەلەردى شەشۋگە باعىتتاۋ ۇسىنىلدى. اتاپ ايتقاندا, قايتا تاپسىرىلعان ءبىلىم نىساندارىن ۇستاۋعا, مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋگە, جولداردى ورتا جانە اعىمدىق جوندەۋ جۇمىستارىنا, سونداي-اق سۋ تاسقىنىنا قارسى ءىس-شارالارعا جۇمسالاتىن قارجى قاراستىرىلدى.
وتىرىس بارىسىندا ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ م.ا. گۇلنار ءجۇسىپوۆا, دەنساۋلىق ساقتاۋ باسقارماسىنىڭ باسشىسى ەرىك ءبايجۇنىسوۆ, ساۋلەت جانە قالا قۇرىلىسى باسقارماسىنىڭ باسشىسى ۆيتالي سيلەتسكي, ءبىلىم باسقارماسى باسشىسىنىڭ ورىنباسارى گۇلجان ايتجانوۆا جانە ت.ب. بايانداما جاسادى, – دەپ حابارلايدى استانا اكىمىنىڭ ءباسپاسوز قىزمەتى.
ەسكە سالايىق, ازاماتتاردىڭ قۇقىقتارىنا, بوستاندىعى مەن مىندەتتەرىنە قاتىستى جوبالار تالقىلاۋ جانە ۇسىنىستار جاساۋ ءۇشىن ءتيىستى ورتالىق مەملەكەتتىك ورگاندارمەن نەمەسە وبلىستىق, رەسپۋبليكالىق ماڭىزداعى قالالىق جانە ەلوردالىق ماسليحاتتارمەن بىرلەسىپ قۇرىلعان قوعامدىق كەڭەستەرگە جولدانادى.
astana-akshamy.kz
