استانا قالاسى ءماسليحاتىنىڭ قوعامدىق قابىلداۋ بولمەسىندە اشىق ەسىك كۇنى ۇيىمداستىرىلدى.
«نۇر وتان» پارتياسىنىڭ رەسپۋبليكالىق ءىس-شارالار كەستەسىنە سايكەس وتكىزىلگەن شارا بارىسىندا قالالىق ءماسليحاتتىڭ حاتشىسى سانسىزباي ەسىلوۆ ەلوردا تۇرعىندارىنىڭ ءوتىنىش-تىلەكتەرىنە قۇلاق ءتۇردى.
دەپۋتاتتىڭ جەكە قابىلداۋىنا جازىلۋ الدىن الا جۇرگىزىلىپ, بۇل تۋرالى جەرگىلىكتى بۇقارالىق اقپارات قۇرالدارى مەن ءماسليحاتتىڭ سايتى ارقىلى حابارلانعان ەدى. سونى ەستىگەن استانالىق بيبىقان سالقىمباەۆا مەن زاۋرە ەرجانوۆا وزدەرى سايلاعان دەپۋتاتپەن بەتپە-بەت كەزدەسۋگە اسىقتى. اقىرى, جولدارى بولىپ, سانسىزباي سەيىتجانۇلىمەن جەكە پىكىرلەسۋگە مۇمكىندىك الدى. ولاردىڭ ەكەۋىن دە باسپانا ماسەلەسى تولعاندىرادى.
مەملەكەتتىك باعدارلاما بويىنشا قولجەتىمدى باسپاناعا قول جەتكىزگەنىمەن, ءبىر جىلدان بەرى سول ۇيگە كىرە الماي, اۋرە-سارساڭعا تۇسكەنىن جەتكىزگەن انا: «ءوزىڭىز بىلەسىز, استانادا پاتەر جالداپ تۇرۋ وڭاي ەمەس. بۇگىندە پاتەراقى وتە قىمبات. وسى ماسەلەگە وراي كومەكتەسۋىڭىزدى سۇرايمىن» دەدى. بۇل رەتتە سانسىزباي ەسىلوۆ مەملەكەتتىك باعدارلاما شەڭبەرىندە سالىنعان ۇيلەردىڭ شىنىمەن دە بەلگىلەنگەن كەستەدەن كەشىكتىرىلىپ پايدالانۋعا بەرىلەتىنىن ايتا كەلە, سوعان قاراماستان, قۇرىلىستىڭ ءجۇرىپ جاتقانىن, قاتىسۋشىلاردىڭ ءبىر بولىگى بيىل تامىز-قىركۇيەك ايلارىندا ءوز ۇيلەرىنە قونىستاناتىنىن, ال قالعاندارى جاڭا پاتەرلەرىنىڭ كىلتتەرىن جىلدىڭ سوڭىندا الاتىنىن ايتتى.
تۇرعىندار, سونداي-اق, استاناداعى توزىعى جەتكەن ەسكى ۇيلەر پروبلەماسىن, ابىلاي حان داڭعىلىنىڭ بويىندا ورنالاسقان «گۇلجان» ساۋدا ءۇيىنىڭ ماڭىنداعى جولدا كولىكتىڭ كوپتىگىن العا تارتتى. ءماسليحات حاتشىسى بۇل ماسەلەلەردىڭ الداعى ۋاقىتتا شەشىمىن تاباتىنىن, جالپى قالالىق ءماسليحاتتىڭ باسقا دا بارلىق دەپۋتاتتارى ءوز وكرۋگتەرىندەگى تۇرعىنداردى جۇيەلى تۇردە قابىلداپ, ولاردىڭ جازباشا تۇردە جىبەرگەن ءوتىنىش-تىلەكتەرىن نازارسىز قالدىرماي, ارقايسىمەن جەكە-جەكە جۇمىس ىستەيتىنىن جانە وسىنداي قابىلداۋلاردىڭ كەلەشەكتە ءجيى وتكىزىلىپ تۇراتىنىن جەتكىزدى.
P.S. قازىرگى تاڭدا قاراپايىم حالىق وكىلدەرى وزدەرىنىڭ كەز كەلگەن ماسەلەسىن دەپۋتاتتارعا اشىق ايتا الادى. سەبەبى, ولار سايلاۋشىلارىنىڭ وتىنىشتەرىن ەگجەي-تەگجەي تىڭداپ, ورىندالۋىنا اتسالىسادى.
