قازاقستاننىڭ ءجاسوسپىرىم اۋىر اتلەتتەرى تاشكەنتتە ءوتىپ جاتقان ازيا چەمپيوناتىندا ەكىنشى التىن مەدالدى جەڭىپ الدى.
[smartslider3 slider=3540]
67 كەلى سالماقتا سىنعا تۇسكەن الىشەر بايبۇروۆ 17 جاسقا دەيىنگىلەر اراسىندا چەمپيون اتاندى. ول سەرپە كوتەرۋدە ءۇش مۇمكىندىكتىڭ ەكەۋىن ءساتتى پايدالانىپ, سايىستى 134 كەلىمەن قورىتىندىلادى. ال جۇلقا كوتەرۋدە 155 كەلى زىلتەمىردى ەڭسەرىپ, قوسسايىس قورىتىندىسىندا التىن مەدال يەگەرى اتاندى.
وسىعان دەيىن قازاقستان قۇراماسىنىڭ قورجىنىنا العاشقى التىندى 17 جاسقا دەيىنگى جاسوسپىرىمدەر اراسىندا 73 كەلىدە سىنعا تۇسكەن ەدىگە ەمبەردى تۇسىرگەن بولاتىن. سونداي-اق ول سەرپە كوتەرۋدە جانە قوسسايىس قورىتىندىسى بويىنشا جاستار اراسىنداعى ازيا رەكوردىن جاڭارتقان ەدى.
