قالا مەن سالا
قۋانىش پەن سەنىم
ءابدىحاميت ورمانوۆ 2005 جىلى ەلورداعا كوكشەتاۋدان وتباسىمەن بىرگە كوشىپ كەلگەن. سودان بەرى ءوز ماماندىعى بويىنشا قۇرىلىس سالاسىندا ەڭبەك ەتەدى. قازىر «تيمۋر-قۇرىلىس» جشس-تە گەودەزيست بولىپ جۇمىس ىستەپ ءجۇر.
– ءبىزدىڭ كومپانيا, نەگىزىنەن, تۇرعىن ءۇي كەشەندەرىن سالۋمەن اينالىسادى. جاقىندا كاسىپتىك-تەحنيكالىق مەكتەپتىڭ قۇرىلىسىن اياقتاپ, پايدالانۋعا بەردىك. بىرەر كۇندە «اقەركە-2» تۇرعىن ءۇي كەشەنىنىڭ قۇرىلىسى بىتۋگە جاقىن, – دەدى ءا.ورمانوۆ.
ول ىندەتكە بايلانىستى بارلىق الەمدە ەكونوميكالىق قيىندىقتار تۋىنداپ جاتقاندا, قۇرىلىس جۇمىستارىنىڭ توقتاتىلماعانىنا قۋانادى. بۇل وسى سالادا ەڭبەك ەتەتىن كوپتەگەن قۇرىلىسشىلاردىڭ ءومىرىن جەڭىلدەتە تۇسەدى دەگەن سەنىمدە ەكەن.