قۇرمەتتى استانالىقتار جانە قالا قوناقتارى!
سىزدەردى كۇللى مۇسىلمان جۇرتىنىڭ قاسيەتتى مەيرامى – قۇربان ايت مەرەكەسىمەن شىن جۇرەكتەن قۇتتىقتايمىن!
وسىناۋ ۇلىق مەرەكەدە ادامدار اللا رازىلىعى ءۇشىن قۇربان شالىپ, ءبىر-ءبىرىنىڭ كىناسىن كەشىرەدى. بەيبىتشىلىك پەن جاقسىلىق جولىندا ۇيىسىپ, ىزگى امالدار جاسايدى.
قۇربان ايت – ەرتەدەن-اق حالقىمىزدىڭ تاريحىمەن, ءومىر تىرشىلىگىمەن بىتە قايناسقان رۋحاني مەيرام. ەلىمىز ەگەمەندىگىن العاننان كەيىن بۇل مەرەكەنى تويلاۋ جاڭاشا سەرپىن الىپ, كەڭ كولەمدە اتاپ وتىلۋدە.
تاۋەلسىزدىك جىلدارى ەلىمىزدە كوپتەگەن مەشىتتەر مەن مەدرەسەلەر سالىنىپ, بىلىكتى مامانداردىڭ سانى ارتىپ كەلەدى. بۇل مەملەكەتىمىزدىڭ رۋحانياتقا جاساعان ايرىقشا قامقورلىعى دەۋگە بولادى.
سىزدەرگە زور دەنساۋلىق, قاجىماس قايرات, وتباسىلارىڭىزعا ىرىس پەن بەرەكە تىلەيمىن!
قۇربان ايت قۇتتى بولسىن!
قۇرمەتپەن,
استانا قالاسىنىڭ اكىمى
ادىلبەك جاقسىبەكوۆ
