قاسيەتتى مەرەكەنىڭ العاشقى كۇنى تاڭەرتەڭنەن باستاپ ەلوردا مەشىتتەرىندە ايت نامازى وقىلادى. بۇل تۋرالى قالالىق ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ونلاين بريفينگتە ءمالىم ەتتى.
نۇر-سۇلتاندا بەكىتىلگەن مال سويۋ ورىندارىندا قۇرباندىق شالىنادى. سونداي-اق مۇنى «QURBAN2022.kz» قازاقستان مۇسىلماندارى ءدىني باسقارماسىنىڭ سايتى ارقىلى دا ونلاين جاساۋعا بولادى. ونلاين شالىنعان مالدىڭ ەتى تۇگەلدەي الەۋمەتتىك كومەككە مۇقتاج وتباسىلارعا ۇلەستىرىلەدى.
بيىل قۇربان شالۋ ءۇشىن مىنا ورىندار بەلگىلەندى:
- «جايلاۋ» بازارى, الاش تاس جولى, س 313 كوشەسى («شارىن» بازارىنىڭ ارت جاعى);
- «شانحاي» بازارى, الاش تاسجولى, 34/6 («كوك بازار» بازارىنىڭ ارت جاعى);
- «شوپان اتا» بازارى, («رۋبيكوم» جانە «ءامىر» بازارىنىڭ ورتاسى);
- «باراكات» بازارى, ا 369 كوشەسى, №10 عيمارات.
- «شاۋشەن» شارۋا قوجالىعى, الاش تاسجولى, 136 ب;
- «تەمەش» شارۋا قوجالىعى, اينالما جول, 229, 1ا.
- «ۇلجان» امبەباپ بازارى, ن.تىلەنديەۆ كوشەسى, 24 (بۇرىنعى «سايانۇر» بازارى).
بيىل نۇر-سۇلتان قالاسىندا قۇرباندىق قويلاردىڭ باعاسى 45-50 مىڭنان باستالادى. ەسكەرەتىن ءبىر جايت, قۇربانعا توقتى شالۋعا تۋرا كەلسە, ول 6 ايعا تولعان مارقا قوزى بوۋلى كەرەك. ساحابا جابيردەن جەتكەن حاديستە پايعامبار (وعان اللانىڭ يگىلىگى مەن سالەمى بولسىن): «ءتيىستى جاسىنا تولماعان مالدى قۇربانعا شالماڭدار. ەگەر بۇل سەندەر ءۇشىن اۋىر بولسا, وندا التى اي تولعان قويلاردى شالۋلارىڭا بولادى» دەگەن.
«قۇربان ايت» مەرەكەسى كۇندەرى حالىققا قۇرباندىق شالۋ جانە تاعى باسقا دا ءدىني ماسەلەلەر بويىنشا اقپارات الۋ ءۇشىن تاۋلىك بويى «109» Call-center جۇمىس ىستەيدى.
