قۇرمەت پەن ىزەت
مەملەكەت باسشىسى نۇرسۇلتان نازارباەۆتىڭ جارلىعىنا سايكەس, 2003 جىلدان بەرى ماۋسىم ايىنىڭ ءۇشىنشى جەكسەنبىسى دارىگەرلەردىڭ ءتول مەرەكەسى رەتىندە اتالىپ وتىلەدى. وسىعان وراي, وقۋشىلار سارايىندا مەديتسينا قىزمەتكەرلەرىنىڭ كاسىبي مەرەكەسىنە ارنالعان سالتاناتتى شارا ءوتتى.
سالتاناتتى شاراعا دەنساۋلىق ساقتاۋ ءمينيسترى ەلتاي ءبىرتانوۆ پەن استانا قالاسىنىڭ اكىمى اسەت يسەكەشەۆ قاتىستى. قالا باسشىسىنىڭ ايتۋىنشا, بۇگىنگى تاڭدا استاناداعى 37 مەديتسينالىق مەكەمەدە 3606 دارىگەر جانە 6579 ورتا توپ قىزمەتكەرى ەڭبەك ەتەدى. مىنە, وسى قىزمەتكەرلەردىڭ ىشىندە ەڭ ۇزدىك ماماندار قۇرمەت گراموتاسى جانە العىس حاتتارمەن ماراپاتتالدى. سونداي-اق, اسەت ورەنتايۇلى سالتاناتتى شارا بارىسىندا 10 دارىگەرگە پاتەر كىلتىن تابىس ەتتى.
– قۇرمەتتى مەديتسينا سالاسىنىڭ قىزمەتكەرلەرى, ارداگەرلەرى, وسىناۋ سالتاناتتى كۇنى سىزدەردى اكىمدىكتىڭ اتىنان كاسىبي مەرەكەلەرىڭىزبەن قۇتتىقتاۋعا رۇقسات ەتىڭىزدەر. قالا تۇرعىندارى اتىنان ىستىق لەبىزدەرىمىز بەن شىن جۇرەكتەن قۇتتىقتاۋلارىمىزدى قابىل الىڭىزدار. مەديتسينا سالاسى قىزمەتكەرلەرىنىڭ كۇنى – ادامگەرشىلىككە تولى, قايىرىمدى جانە دە ەڭ قيىن ماماندىقتى تاڭداعان ادامداردىڭ مەرەكەسى. تۋعان كۇنىمىزدەن باستاپ ءومىر بويى سىزدەردىڭ باقىلاۋلارىڭىز بەن قامقورلىقتارىڭىزدا بولامىز. ءوز ىستەرىڭىزدى قۇرمەتپەن اتقارىپ, قاسيەتتى پارىزدارىڭىزدى بارىنشا ورىنداۋعا ەڭبەكتەنەسىزدەر. بۇگىن ءبىز مەديتسينا قىزمەتكەرلەرىنە 25 قۇرمەت گراموتاسىن, 25 العىس حات تابىستايمىز, – دەدى قالا اكىمى.
اسەت ورەنتايۇلىنىڭ ايتۋىنشا, مەديتسينا سالاسىندا قىزمەت كورسەتەتىن ماماندارعا ەلوردادا جان-جاقتى قولداۋ كورسەتىلۋدە. ماسەلەن, وتكەن جىلى 35 پاتەر بەرىلگەن جانە ءدارىگەرلەردىڭ بالالارى ءۇشىن بالاباقشالاردا 120 ورىن بولىنگەن. سونداي-اق, 2016 جىلى 15 مەديتسينالىق ارنايى كولىك, ال وسى جىلى قوسىمشا زاماناۋي قۇرالدارمەن جابدىقتالعان 49 اۆتوماشينا ساتىپ الىنعان.
ال ەلجان ءبىرتانوۆ مەديتسينا قىزمەتكەرلەرىن كاسىبي مەرەكەسىمەن قۇتتىقتاي وتىرىپ, دارىگەرلەرگە جاعداي جاساپ وتىرعان اكىمدىككە العىسىن ايتتى.
– بيىلعى مەرەكەمىز وتە ەرەكشە. ونىڭ سەبەبى – ەلباسىنىڭ ارقاسىندا استانامىز حالىقارالىق دەڭگەيدە تانىمال قالا بولدى. بۇعان ەلوردادا ءوتىپ جاتقان حالىقارالىق ەكسپو كورمەسى دالەل. ءبىز بۇل كورمەگە ۇزاق ءارى جان-جاقتى دايىندالدىق. ەلوردامىزدا حالىقارالىق تالاپتارعا ساي اۋرۋحانالار بوي كوتەردى, وندا تاجىريبەلى, ءبىلىمدى دە بىلىكتى سىزدەر سەكىلدى ماماندار جۇمىس ىستەيدى. مەديتسينالىق كومەككە ءجۇگىنگەندەردىڭ اراسىندا ءۇندىستان, رەسەي, ەكۆادور سەكىلدى ەلدەردەن كەلگەن شەتەلدىكتەر دە بار. بارلىعىنا جوعارى دەڭگەيدە كومەك كورسەتىلىپ جاتقانىن ايتىپ جاتىر. ەكسپو – بىزگە قيىندىق ەمەس, كەرىسىنشە, ۇلكەن ءمۇمكىندىك. ءبىز كورمە ارقىلى دۇنيە جۇزىنە ءوزىمىزدىڭ تاجىريبەمىزدى, مەديتسينالىق سالاداعى مۇمكىندىگىمىزدى كورسەتەمىز. سىزدەردى مەرەكەلەرىڭىزبەن شىن جۇرەكتەن قۇتتىقتايمىن, – دەدى مينيستر مىرزا.
قۇتتىقتاۋ سوزدەن كەيىن ۆەدومستۆو باسشىسى مەديتسينا سالاسىنا 30 جىلدان استام ۋاقىتىن ارناعان 5 دارىگەردى «دەنساۋلىق ساقتاۋ ءىسىنىڭ ۇزدىگى» ءتوسبەلگىسىمەن ماراپاتتادى. سونداي-اق, بىرقاتار قىزمەتكەر «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىنە يە بولدى. سالتاناتتى شارانىڭ سوڭى ەلىمىزگە كەڭىنەن تانىمال ونەر جۇلدىزدارىنىڭ كونتسەرتتىك باعدارلاماسىمەن تۇيىندەلدى.
سەرىك جولداسباي