دەمالىس كۇندەرى نۇر-سۇلتان قالاسىنىڭ اكىمى التاي كولگىنوۆ ەلوردادا جۇرگىزىلىپ جاتقان كوپىردىڭ, جول جانە كوممۋنالدىق ينفراقۇرىلىمنىڭ قۇرىلىس جۇمىستارى بارىسىن تەكسەردى.
قالا باسشىسى №26,27,29,38 جانە 356 جوبالىق اتاۋلارى بار كوشەلەرگە باردى. بۇل كوشەلەردە بۇگىندە اسفالت توسەۋ, نوسەرلى كاناليزاتسياسىن تازارتۋ, سۋ قۇبىرىنىڭ سىرتقى ينجەنەرلىك جەلىلەرىن, جىلۋ جەلىلەرىن توسەۋ, سونداي-اق تروتۋارلىق جابىندى ورناتۋ بويىنشا جۇمىستار جۇرگىزىلۋدە. №29 كوشەنىڭ اسفالتتالعان جولى قالانىڭ ەڭ قاۋىرت ۋچاسكەلەرىن جەڭىلدەتۋگە مۇمكىندىك بەرەدى. جۇمىس اياقتالعاننان كەيىن وسى اۋماقتا اۆتوبۋس قوزعالىسىن ىسكە قوسۋ, ايالدامالار ورناتۋ جوسپارلانۋدا, الەۋمەتتىك نىساندارعا ءوتۋ ايتارلىقتاي جەڭىلدەتىلەدى.
سونىمەن قاتار قالا اكىمى «شار-قۇرىلىس» كومپانياسى سالىپ جاتقان ءۇي قۇرىلىسى جۇمىسىنىڭ بارىسىن تەكسەردى. «باعىستان» تۇرعىن ۇيىندە 500-دەن اسا ۇلەسكەرلەر بار. عيمارات 6 بلوكتان تۇرادى. سوڭعى بلوكتاردا ءمونوليتتى جانە شاتىر جۇمىستارى جۇرگىزىلۋدە. قابىرعالاردى ارلەۋگە كىرىسىپ كەتتى. ءۇيدىڭ جوبالىق-سمەتالىق قۇجاتتارى بار, ەسكيزدەر دايىن. ەلوردا اكىمى ينجەنەرلىك جەلىلەر مەن جول قۇرىلىسىن جوسپارلى تۇردە اياقتاۋ قاجەت ەكەنىن اتاپ ءوتتى. بۇل نىساننىڭ قۇرىلىسى كەلەسى جىلى اياقتالادى دەپ جوسپارلانىپ وتىر.
اكىم كەشەگى تاڭەرتەنگى ارالاۋ كەزىندە ەكى مەكتەپكە بارىپ, قۇرىلىس جۇمىستارى بارىسىمەن تانىستى. ماسەلەن, №28 مەكتەپتىڭ قوسىمشا عيماراتىنىڭ قۇرىلىسى جۇرگىزىلۋدە. جاڭا كورپۋس 300 ورىنعا ەسەپتەلگەن. سونداي-اق قوسىمشا عيماراتتا سپورت زال, اسحانا بولادى. كورپۋس قازان ايىندا اشىلادى. مەكتەپ اۋماعىندا ويىن الاڭى ورناتىلادى. تاڭعى ارالاۋ اياسىندا قالا باسشىسى بارعان ەكىنشى ورىن №67 مەكتەپ بولدى. ا. كولگىنوۆ مەكتەپكە قاۋىپسىز كىرەبەرىس جولىن سالۋ قاجەتتىلىگى تۋرالى ايتتى. «مەكتەپتەردى سالىپ جاتىرمىز, بىراق كىرەبەرىس جولدارى تۋرالى ويلامايمىز. وسىنداي ماسەلە №75 مەكتەبىندە بار. تۇرعىزعان جاڭا قۇرىلىستار جانىندا, دۇرىس جول جوق. اتا-انالار مەن وقۋشىلارعا اۋلالار ارقىلى بارۋعا تۋرا كەلەدى. وقۋ ورىندارىنا قاۋىپسىز جولدار سالۋ, كولىككە ارنالعان تۇراق ورىندارىن ويلاستىرۋ قاجەت» دەدى التاي سەيدىرۇلى. بۇدان باسقا, اتا-انالار مەن وقۋشىلاردىڭ ىڭعايلىلىعى ءۇشىن بىرنەشە جەردە داربازالارى اشىلادى. الداعى 5 جىلدا ەلوردادا 40-قا جۋىق ءبىلىم بەرۋ نىسانى سالىنادى.
