قالامىز كۇننەن-كۇنگە ءوسىپ كەلەدى: جاڭا تۇرعىن اۋداندار, الەۋمەتتىك نىساندار, كوشەلەر مەن كوپىرلەر اشىلىپ جاتىر. سول سەبەپتى كوممۋنالدىق قىزمەتتەرگە دە جۇكتەمە ارتىپ كەلەدى. ەلوردانىڭ قاتال قىسىنا قاراماستان, كوممۋنالدىق كاسىپورىن قىزمەتكەرلەرى كەز كەلگەن اۋا رايىندا كۇندىز دە, تۇندە دە جۇمىس ىستەيدى.
استانا قالاسىنىڭ اكىمى التاي كولگىنوۆ كوممۋنالدىق كاسىپورىنداردىڭ قىزمەتكەرلەرىمەن كەزدەسىپ, ولاردىڭ قىس مەزگىلىنە دايىندىعىمەن تانىستى.
– ولاردىڭ قولايلى جاعدايدا ەڭبەك ەتۋى ءۇشىن كوممۋنالدىق قىزمەتتەردىڭ اۆتوپاركىن ۇنەمى جاڭارتىپ وتىرامىز, – دەدى قالا اكىمى كەزدەسۋدە. – سول سياقتى جالاقى مولشەرىن ارتتىرىپ, قوسىمشا سىياقى دا ەنگىزدىك. ماسەلەن, سوڭعى جىلداردىڭ وزىندە 300-دەن استام ارنايى تەحنيكا مەن جابدىق ساتىپ الىندى. وسىلايشا, اۆتوپارك ايتارلىقتاي جاڭارتىلدى, سەبەبى جۇمىس قىزىپ جاتقان تۇستا ەسكى تەحنيكالاردىڭ ىستەن شىققان كەزى بولعان. «استانا تازالىق» جول جۇمىسشىلارى مەن جۇرگىزۋشىلەرىنىڭ جالاقىسىن وسى جىلدىڭ قاراشا ايىنان باستاپ 20%-عا ارتتىرامىز (بۇرىن جالاقى باسقا ساناتتار ءۇشىن دە كوتەرىلگەن). سول سياقتى سىياقى دا ەنگىزىلدى.
ا.كولگىنوۆ قالالىق كوممۋنالدىق قىزمەت ماماندارىنىڭ جالاقىسى 2023 جىلى قوسىمشا كوتەرىلەتىندىگىن, قاجەت بولعان جاعدايدا, اۆتوپاركتى ءارى قاراي دا جاڭارتاتىندىعىن ايتتى.
«قىس مەزگىلىندە قالانىڭ كوممۋنالدىق قىزمەتتەرى كوشەلەردى, الەۋمەتتىك نىساندارعا كىرەر جولداردى, جاياۋ جۇرگىنشىلەرگە ارنالعان تروتۋارلاردى, ايالدامالاردى جانە ت. ب. تۇستاردى تازالاۋعا ەرەكشە نازار اۋدارعانى ءجون. ال اۋدان اكىمدىكتەرى اۋلاىشىلىك اۋماقتاردى جيناۋ بويىنشا پيك (ميب) جۇمىسىن باقىلاۋدا ۇستاۋى قاجەت» دەدى شاھار باسشىسى.
