«حقكو» ءموبيلدى قوسىمشاسىندا بەينەكونسۋلتاتسيا ارقىلى كورسەتىلەتىن مەملەكەتتىك قىزمەتتەر پيلوتتىق رەجيمدە قولجەتىمدى. قازىرگى ۋاقىتتا 34 انىقتامانىڭ تسيفرلىق اينالىم مۇمكىندىگى جۇزەگە اسىرىلعان. ەGov mobile ءموبيلدى قوسىمشاسىندا قۇجاتتاردىڭ 18 ءتۇرىن قامتيتىن «تسيفرلىق قۇجات» سەرۆيسى ىسكە اسىرىلدى. بۇگىندە بۇل قىزمەتتى 6 ميلليون ادام پايدالانعان.
مەملەكەتتىك قىزمەتتەر كورسەتۋ سالاسىندا ولاردى وڭتايلاندىرۋ, اۆتوماتتاندىرۋ جانە «ءبىر تەرەزە» قاعيداتى بويىنشا كورسەتۋ جولعا قويىلدى. حالىققا قىزمەت كورسەتۋ, اقپاراتتىق جۇيەلەردىڭ جۇمىسى, ەلەكتروندىق قۇجات جانە ەلەكتروندىق تسيفرلىق قولتاڭبا ماسەلەلەرى شەشىلىپ كەلەدى. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتىن ۇيلەستىرۋدى جۇزەگە اسىرادى, «ەلەكتروندىق ۇكىمەت» جانە 1414 بىرىڭعاي بايلانىس ورتالىعىنىڭ جۇمىسىمەن ءاربىر استانالىق تانىس دەۋگە بولادى. تسيفرلاندىرۋ سالاسىنداعى مۇنداي جەتىستىكتەر وتكەن جىلى بۇۇ-نىڭ ەلەكتروندىق ۇكىمەتتى دامىتۋدىڭ جاھاندىق رەيتينگىندە قازاقستان 29-ورىنعا كوتەرىلدى. بۇل رەيتينگ ءار 2 جىل سايىن جاسالادى جانە بۇۇ-عا مۇشە 193 ەلدىڭ كورسەتكىشتەرى باعالانادى. 2020 جىلعى رەيتينگ مەملەكەتتەردىڭ 2018-2019 جىلدارى جۇرگىزگەن جۇمىستارىنىڭ ناتيجەسىنە نەگىزدەلگەن.
ەلەكتروندىق ۇكىمەت قۇرۋ ءىسى بيلىك ورگاندارىنىڭ جۇمىسىن اناعۇرلىم ءتيىمدى, ازاماتتارعا قولجەتىمدى ەتۋ ءۇشىن قاجەت بولدى. بۇرىندارى ءاربىر مەملەكەتتىك ورگان ءوز بەتىنشە «وقشاۋ ءومىر ءسۇرىپ», باسقالارىمەن بايلانىسقا تۇسە قويمايتىن, ال ازاماتتاردىڭ الۋان ءتۇرلى انىقتاما, راستاما سەكىلدى وزگە دە قاعازداردى جيناۋ ءۇشىن تولىپ جاتقان ينستانتسيالاردان وتۋىنە تۋرا كەلەتىن. وسىنىڭ بارلىعى ءبىر عانا قىزمەت ءتۇرىن پايدالانۋ ءۇشىن تولىپ جاتقان مەكەمەلەر تابالدىرىعىن توزدىرۋعا ماجبۇرلەيتىن. بۇگىندە ەلەكتروندىق ۇكىمەت جوبالارىنىڭ ارقاسىندا ول زامان كەلمەسكە كەتتى.
ەلەكتروندىق ۇكىمەت – اقپاراتتىق تەحنولوگيالار كومەگىمەن ءىشىنارا كەلىسۋشىلىكتى قامتاماسىز ەتەتىن, مەملەكەت پەن ازاماتتار اراسىنداعى, سونداي-اق, مەملەكەتتىك ورگانداردىڭ ءوزارا ارەكەتتەستىگىنىڭ بىرىڭعاي مەحانيزمى. مەملەكەتتىك ورگاندارعا كەزەكتى قىسقارتىپ, انىقتاما, كۋالىك, رۇقسات قۇجاتتارىن جانە تاعى باسقالارىن الۋدى جەڭىلدەتۋگە ءارى جىلدامداتۋعا مۇمكىندىك بەرگەن دە ءدال وسى مەحانيزم.
تمد ەلدەرى اراسىندا قازاقستان 1-ورىندى يەلەندى. قازاقستاننان كەيىن رەسەي (36), بەلارۋس (40), ۋكراينا (69), مولدوۆا (79), وزبەكستان (87) جانە ت. ب.ەلدەر ورنالاسقان.
جاقىندا عانا IDC Excellence Awards 2021 نۇسقاسى بويىنشا نۇر-سۇلتان قالاسىنىڭ تسيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەك ورتالىق ازيا مەن تمد-نىڭ 11 ەلى اراسىندا Digital Leader سىيلىعىن الدى, ونىڭ ىشىندە ارمەنيا, ازەربايجان, بەلارۋس, گرۋزيا, قازاقستان, قىرعىزستان, موڭعوليا, تاجىكستان, تۇرىكمەنستان, ۋكراينا جانە وزبەكستان بار. وتكەن جۇمادا نۇر-سۇلتاندا IDC CIO Summit 2021 ءوتتى, ونىڭ بارىسىندا ءتۇرلى ەلدەن كەلگەن CIO جاڭا جاعدايلاردا اقپاراتتىق تەحنولوگيالار سالاسىنداعى شەشىمدەردى, تاسىلدەردى جانە ۇزدىك تاجىريبەلەردى ۇسىندى.
