استانادا قىزىلشاعا بايلانىستى جاعداي ءالى دە كۇردەلى بولىپ وتىر. بيىلدىڭ وزىندە 576 بالا قىزىلشامەن اۋىرعان. بۇل تۋرالى استانا قالاسىنىڭ كوممۋنيكاتسيالار قىزمەتىندە وتكەن ءباسپاسوز ءماسليحاتىندا قالالىق باس مەملەكەتتىك سانيتارلىق دارىگەرى سارحات بەيسەنوۆا ايتتى.
جىل باسىنان بەرى استانادا قىزىلشا بويىنشا 576 باستاپقى جانە 216 راستالعان فاكتى تىركەلدى. قىزىلشا جۇقتىرعان 14 جاسقا دەيىنگى بالالاردىڭ سانى – 152. سارحات بەيسەنوۆانىڭ ايتۋىنشا, ەلوردادا كۇنىنە 40-قا جۋىق بالادان قىزىلشا انىقتالادى.
ناۋقاستانعان 152 بالانىڭ 92 پايىزى – قىزىلشاعا قارسى ۆاكتسينا الماعان بالالار. ولاردىڭ اتا-انالارى قارسىلىق تانىتتى. ناۋقاستاردىڭ ىشىندە قىزىلشاعا قارسى ۆاكتسينا العاندار تەك 6 پايىز, ال ۆاكتسيناتسيا مارتەبەسى بەلگىسىز ناۋقاستار 26 پايىزدى قۇرادى. قىزىلشانىڭ تارالۋىن بولدىرماۋ ءۇشىن توپتىق يممۋنيتەتىنىڭ جالپى كورسەتكىشى بۇكىل حالىق اراسىندا 85-90 پايىزدان كەم بولماۋى كەرەك ەكەنىن تاعى دا ەسكە سالامىن, – دەدى سارحات بەيسەنوۆا.
