تۇڭعىش پرەزيدەنت ساياباعىندا «كونفەسسياارالىق كەلىسىم اللەياسى»اتتى اعاش وتىرعىزۋ شاراسى ءوتتى. «استانا – ەڭ تازا قالا» اكتسياسى اياسىندا وتكىزىلگەن شارانىڭ وتۋىنە قالالىق ءدىن ىستەرى جونىندەگى باسقارما مۇرىندىق بولدى. وعان قالا اكىمىنىڭ ورىنباسارى ەرمەك امانشاەۆ باستاعان «ازىرەت سۇلتان» مەشىتى مەن «نۇر استانا» مەشىت تەرىنىڭ نايب يمامدارى, ورىس پراۆوسلاۆ شىركەۋى, ەۆانگەل-ليۋتەران شىركەۋى, «ۆەفيل» كيەلى ەۆانگەلدى حريستيان شىركەۋى, پرەسۆەتەريان شىركەۋلەرىنىڭ رۋحاني كوشباسشىلارى قاتىستى.
استانامىزدىڭ اسەمدىگى مەن تازالىعى ەلوردانىڭ ءار- ءبىر تۇرعىنى ءۇشىن ماڭىزدى. كوپكە ۇلگى-ونەگە كورسەتۋ ماقساتىندا رۋحاني كوشباسشىلار سالاۋاتتى قوعام قالىپتاستىرۋعا ءۇن قوسىپ, كوك جەلەكتى اعاشتار وتىرعىزدى. شارا بارىسىندا ءسوز العان قمدب- نىڭ نايب ءمۇفتيى ناۋرىزباي قاجى تاعانۇلى: – مۇحاممەد (س.ع.س.) پايعامبارىمىز ءوزىنىڭ حاديسىندە: «اقىرەت كۇنى ورناعان كەزدە دە ادامنىڭ قولىندا اعاش بولسا سونى ەكسىن» دەپ وسيەت ەتكەن. ادام بالاسى كەۋدەسىنەن شىبىن جانى شىققانشا جاقسىلىق جاساپ, ارتىنا تاعىلىمدى ءىس قالدىرۋى كەرەك. اعاش وتىرعىزۋ – ءدىن وكىلدەرى ءۇشىن عانا ەمەس, بارلىق پەندە بالاسى اتقارۋى ءتيىس شارۋا. قازاقتا «اتادان مال قالعانشا, تال قالسىن» دەگەن ناقىل ءسوز بار.
بۇل وتىرعىزعان اعاشتار بولاشاقتا وزىمىزگە توزىمدىلىك, قايىرىمدىلىق, قۋانىش, ومىرگە جانە ءبىر- بىرىمىزگە دەگەن ماحاببات سەزىمىن بەرۋى كەرەك. وسى قۇندىلىقتاردى بىزدەر ەشقاشان جوعالتپاۋىمىز قاجەت, – دەدى. بۇگىندە ەلىمىزدىڭ ەتنيكالىق جانە ءدىني سان الۋاندىعى مەملەكەتىمىزدىڭ, سونىمەن قاتار, قوعامنىڭ كوپۆەكتورلى دامۋىنىڭ نەگىزى, ال تولەرانتتىلىق جانە بەيبىتشىلىك ءاربىر قازاقستاندىق تاڭدايتىن بىرلىكتىڭ بەينەسىنە اينالدى. قر تۇڭعىش پرەزيدەنتىنىڭ ساياباعى ىشىندە دە الەمگە تانىمال تۇلعالاردىڭ ءوز قولىمەن وتىرعىزعان ەستەلىك اعاشتارى كوپ كەزدەسەدى. دىنارالىق تاتۋلىق پەن دوستىقتى قوسا ناسيحاتتاعان شارا قازاق قوعامىنىڭ ءبىر- لىگىنە بەكەم ەكەنىن ناقتىلاي ءتۇستى.
گۇلجان راحمان
