سابانتوي سانىمەن ءوتتى
![](https://astana-akshamy.kz/wp-content/uploads/2022/07/dsc04677.jpg)
«دەمالىس پرومەناد» جاياۋ جۇرگىنشىلەر بۋلۆارىندا نۇر-سۇلتان قالاسىنداعى قازاقستان حالقى اسسامبلەياسىنىڭ ۇيىمداستىرۋىمەن ءداستۇرلى «سابانتوي» حالىقتىق مەرەكەسى ءوتتى.
مەرەكە قوناقتارى ءتۇرلى بايقاۋلار مەن حالىق ويىندارىنا قاتىسىپ, تاتار جانە باشقۇرت حالىقتارىنىڭ سالت-داستۇرلەرى مەن ادەت-عۇرىپتارىمەن, ساندىك-قولدانبالى ونەرىمەن تانىستى, ۇلتتىق تاعامدارىنان ءدام تاتتى.
مەرەكەنى تويلاۋعا قازان قالاسىنىڭ تانىمال ارتىستەرى دە كەلدى. تاتارستان رەسپۋبليكاسىنىڭ حالىق ءارتىسى يلسۋر سافين, حالىقارالىق بايقاۋلاردىڭ لاۋرەاتى ءاليا كاراچۋرينا, سونداي-اق نۇر-سۇلتان قالاسىنىڭ جانە تاتار-باشقۇرتتىڭ مادەني ورتالىعىنىڭ ونەرپازدارى حالىق اندەرىن ورىندادى.
تاتار-باشقۇرتتاردىڭ ۇلتتىق مەرەكەسىنە اينالعان سابانتوي شامامەن مىڭ جىل بۇرىن پايدا بولعان دەپ ەسەپتەلەدى. ادەتتە جازدىڭ باسىندا جەرگە ەگىن سالىپ, كوڭىل دەمدەگەننەن كەيىن تويلانادى.
بايان اسىلبەكوۆا