ادىلەتتى سايلاۋ ءۇشىن تاۋەلسىز بايقاۋشىلاردىڭ ءرولى زور. ولار سايلاۋ پروتسەسىن ادىلەتتى تۇردە بايقاپ وتىرادى. سەبەبى تاۋەلسىز بايقاۋشىلاردىڭ باستى مىندەتى – سايلاۋدىڭ ءادىل جانە تازا ءوتۋىن باقىلاۋ.
الداعى سايلاۋ ءادىل وتەدى دەگەن ويدامىز. ويتكەنى ول جەردە كوپتەگەن بايقاۋشى بولادى جانە قازىر بىرمانداتتىق جۇيە ارقىلى كوپتەگەن بەلسەندى ازاماتتار مەن ازاماتشالار قاتىسىپ جاتىر. سايلاۋ كۇنى سول كىسىلەردىڭ سەنىمدى وكىلدەرى دە وتىرادى بايقاۋشى بولىپ. بۇل سايلاۋدىڭ ءادىل وتۋىنە بىردەن-ءبىر دالەل دەگىم كەلەدى.
ازاماتتار سايلاۋدا بايقاۋشى بولىپ ءوزىنىڭ ازاماتتىق-ساياسي كوزقاراسىن قالىپتاستىرادى. ءبىز الداعى سايلاۋدا «Baqyla» قوعامدىق قوزعالىسىنىڭ اتىنان ەلورداداعى 305 اشىق سايلاۋ ۋچاسكەسىنە سايلاۋدىڭ ءادىل ءوتۋىن باقىلايتىن بايقاۋشىلاردى دايىنداپ جاتىرمىز. ولار ارنايى وقىتۋدان ءوتىپ, تاجىريبە جيناقتاپ جاتىر. قازىردىڭ وزىندە 150-گە جۋىق بايقاۋشى سول وقىتۋدان ءوتىپ ءجۇر, سوندىقتان الداعى سايلاۋدى باقىلاۋعا دايىن دەسەم دە بولادى.
اڭسار قايىرجانوۆ,
«Baqyla» قوعامدىق قوزعالىسىنىڭ استانا قالاسى بويىنشا ۇيلەستىرۋشىسى
