استانا قالاسى اكىمدىگىنىڭ «شاپاعات» الەۋمەتتىك قىزمەت كورسەتۋ ورتالىعى ناۋرىز مەرەكەسىن اتاپ ءوتتى. «قوش كەلدىڭ, ناۋرىز» اتتى مەرەكەلىك شارادا سالت-ءداستۇرىمىز سالتانات قۇرىپ, اننەن شاشۋ شاشىلدى.
ورتالىق ديرەكتورى كەنجەبولات ساپاروۆتىڭ ايتۋىنشا, «شاپاعاتتا» 26 جاستان باستاپ 95 جاسقا دەيىنگى 295 ازامات تۇرادى. ولاردىڭ ىشىندە ەكىنشى دۇنيەجۇزىلىك سوعىس پەن ەڭبەك ارداگەرلەرى جانە دە مۇمكىندىگى شەكتەۋلى جاندار بار.
– ءبىز بۇل جولى ۇلىستىڭ ۇلى كۇنىن سايىس تۇرىندە ۇيىمداستىرعاندى قوش كوردىك. ويتكەنى قازاق حالقى بۇرىن ناۋرىز مەيرامىن بۇكىل اۋىل بولىپ تويلاعان. وسىنى ەسكەرە كەلە, ءبىز استانانىڭ ىرگەسىندەگى تالاپكەر, قاراوتكەل, قابانباي, اقكول جانە قورعالجىن اۋىلدارىن قامتىپ, ولاردىڭ تۇرعىندارىن ءوزارا جارىستىردىق, – دەيدى ورتالىق ديرەكتورى.
بايقاۋ ءۇش كەزەڭگە ءبولىنىپ, بەس اۋىلدىڭ تۇرعىندارى ونەرلەرىن ورتاعا سالدى. ءبىرىنشى كەزەڭدە سالت-ءداستۇر تۇرلەرى كورسەتىلسە, ەكىنشى كەزەڭدە مۋزىكالىق قويىلىم ۇسىنىلدى. ال ءۇشىنشى كەزەڭدە بايقاۋعا قاتىسۋشىلار ءارتۇرلى ۇلتتىق تاعامداردى دايىنداپ, قازىلار القاسىن ءتانتى ەتتى.
