سامالا شاھار, سارى كۇز
مىنە, استانانىڭ كۇزى وسىنداي. سارعايعان جاپىراقتار سانانى مۇڭعا بولەگەنىمەن, سالقىن سامال جەلى شاتتىق لەبىن سەبەدى.
قازاننىڭ كوركەم سۇگىرەتىمەن ايشىقتالعان سارىارقانىڭ دارحان دالاسىنىڭ توسىنە قونا قالعان سامالا شاھاردىڭ تۇرعىندارىنىڭ كوڭىلدەرى كوك جايلاۋ بولىپ جۇرەتىندەرى دە سوندىقتان-اۋ, ءسىرə!
ءسىز دە اينالاڭىزعا كوز سالىڭىزشى! راس, كەشەگى جادىراعان جازدىڭ قاباعىنان كىشكەنە دە بەلگى جوق. ەسەسىنە ەسكىلەۋ تارتقان ەستەلىكتى ساعىندىراتىن وزگەشە ءبىر سارىن بار, ساز بار. بۇل – تەك استاناعا تəن سارىن مەن ساز. راس, سول كوكتەمنىڭ جايماشۋاق كۇنى كورىنبەيدى. بىراق تەك استانالىقتارعا عانا بۇيىرعان ءتəتتى ءبىر ءۇمىت بار. يə, əلگى ءۇمىت قوي əرقايسىمىزدى كۇز تاڭىمەن بىرگە كۇندەي جارقىن ىستەرگە جەتەلەيتىن.
راس, ىزعارلى قىستىڭ كىرشىكسىز اققا ورانعان تابيعاتى جوق قازىر. الايدا, بىردە كۇرەڭ, بىردە سارى, بىردە قوڭىر كۇزدىڭ سانالۋان كەيپى ءسىزدى ءبəرىبىر عاشىق قىلىپ قويادى. اينالاڭىزعا عاشىق قىلادى! ادامدارعا عاشىق بولاسىز! عالامات ەمەس پە؟ ..
اسحات رايقۇل