«استانا» كونتسەرت زالىندا ەلوردالىق پوليتسەيلەر كاسىبي مەرەكەسىن اتاپ ءوتتى. ەل تىنىشتىعى مەن قاۋىپسىزدىكتى ساقتاۋ جولىندا ايانباي ەڭبەك ەتىپ جۇرگەن ءتارتىپ ساقشىلارىن قۇتتىقتاۋعا قالا اكىمىنىڭ ورىنباسارى قوسمان ايتمۇحامەتوۆ ارنايى كەلدى.
استانا قالاسى ىشكى ىستەر دەپارتامەنتىنىڭ باسشىسى, پوليتسيا گەنەرالمايورى مارات قوجاەۆ پوليتسيادا قىزمەت ەتۋ ارقاشان باتىل, يگىلىككە جاقىن, جاماندىققا جانى قاس ازاماتتاردىڭ مىندەتى ەكەنىن ايتا كەلە, قىزمەت بارىسىندا كوزگە تۇسكەن ءبىر توپ قىزمەتكەرلەردىڭ شەنىن كوتەرىپ, ارنايى العىس حاتپەن ماراپاتتادى. سونداياق دەپارتامەنت باسشىسى ىشكى ىستەر ورگاندارى ارداگەرلەرىنە جانە قىزمەت بابىندا قايتىس بولعان قىزمەتكەرلەردىڭ ەڭبەگىنە, باتىرلىعىنا ءىلتيپات ءبىلدىرۋدى دە ۇمىتپادى.
سالتاناتتى جيىن سوڭى ەسترادا جۇلدىزدارىنىڭ قاتىسۋىمەن مەرەكەلىك كونتسەرتكە ۇلاستى.
گۇلميرا ايماعانبەت
