بۇگىن استاناداعى بەس بىردەي قالالىق ساياباق جازعى جۇمىسىن باستايدى. ناقتىراق ايتساق, استانا, جەرۇيىق, ستۋدەنتتەر, پرەزيدەنت جانە اراي ساياباعى. جاڭا ماۋسىمدا ساياباقتار جاڭا كەلبەتكە يە بولدى. قوسىمشا اتتراكتسيوندارمەن تولىعىپ, ءار كەلۋشىگە كوڭىل كوتەرەتىن باعدارلامالار قاراستىرىلعان.
بۇگىن ساعات 14.00-دە ستۋدەنتتەر ساياباعىندا «الەمنىڭ 7 كەرەمەتى» اتتى شوۋ وتەدى. جاڭارتىلعان ساياباقتاردان بالالارمەن قاتار, ۇلكەندەر دە سايا تابادى. مىسالى, ەكستريمگە اۋەس جاندار ءۇشىن «امەريكالىق سىرعاناق» جانە «5-ەلەمەنت» قىزمەت كورسەتسە, بالالارعا «زىمىراندا ۇشۋ» سياقتى اتتراكتسيوندار ەرەكشە اسەر سىيلايتىنى ءسوزسىز. سونىمەن قاتار, جاياۋ جۇرگىنشىلەر كوپىرى جاعىنداعى كىرەبەرىس تە ايتارلىقتاي وزگەرمەك. وندا ادەمى مۇسىندەر مەن باسقا دا شاعىن ارحيتەكتۋرالىق پىشىندەر قويىلادى.
ەلوردا ساياباعى كيەلى قۇستارعا كوبەيىپ جاتىر. اق اققۋلاردىڭ قاتارىن بيىل قارا جانە قارامويىن اققۋلار جانە ماندارينكا ۇيرەكتەرىنىڭ ءتورت جۇبى تولىقتىردى.
ساياباقتىڭ ورتالىق اللەياسىندا, ياعني تۇران داڭعىلى جاعىندا «جاسىل ەنەرگيانى» قولدانۋدىڭ ناقتى مىسالى رەتىندە سيگۆەي مەن گيروسكۋتەرلەرمەن سىرعاناۋعا مۇمكىندىك بار.
بيىل جەرۇيىق ساياباعىنا تۇڭعىش رەت «توسىن سىي» جانە «جۇلدىزقۇرت» سياقتى ءىرى اتتراكتسيوندار قويىلادى. ەلوردا قوناقتارىنا جاڭا فورماتتاعى ويىن-ساۋىقتار ستۋدەنتتىك ساياباقتا دا ۇيىمداستىرىلماق.
