ەلوردادا «ساز سيقىرى» قايىرىمدىلىق فەستيۆالى ءوتتى. جوبا اياسىندا اۋىلدى ەلدى مەكەندەردە ورنالاسقان بالالار ۇيلەرىنە كومەك كورسەتىلەدى.
سونداي-اق بالالارعا وزدەرى ارمانداعان ءتۇرلى جاڭا جىلدىق سىيلىقتار تابىستالادى. ولاردىڭ قاتارىندا ۆەلوسيپەد, سكەيت, ساموكات, تەلەفوندار مەن پلانشەتتەر جانە باسقا دا سىيلىقتار بار. جىل سايىن جاڭا جىل مەيرامى قارساڭىندا وتكىزىلەتىن «ساز سيقىرى» فەستيۆالى اياسىندا بۇلدىرشىندەر مەيىرىم مەن قامقورلىق سەزىمىنە بولەنىپ, مەرەكەلىك اتموسفەرانى سەزىنەدى. فەستيۆالدىڭ ۇيىمداستىرۋشىسى – «دەگدار» گۋمانيتارلىق قورى.
«ساز سيقىرى» جوباسى بيىل 4-رەت وتۋدە. جوبا اياسىندا ءبىز جىل سايىن 4 بالالار ۇيىنە كومەك كورسەتەمىز. قازىر جوبا تاريحى ەلىمىزدىڭ تۇكپىر-تۇكپىرىندە ورنالاسقان 12 بالالار ءۇيىن قامتيدى. جوبا بالالار ۇيىنە قاجەتتى مەديتسينالىق جانە وقىتۋ جابدىقتارىن ساتىپ الۋدى, سونداي-اق ءار بالاعا سىيلىق بەرۋدى كوزدەيدى. «ساز سيقىرى» جوباسى – بۇل بالالارعا ۇمىتىلماس ەموتسيا مەن مەرەكەلىك كوڭىل كۇي سىيلايتىن ناعىز سيقىرشىلاردىڭ جوباسى. ەلىمىزدىڭ ءاربىر ازاماتى وسى جوباعا قاتىسۋ ارقىلى اتا-اناسىنىڭ قامقورلىعىنسىز قالعان بۇلدىرشىندەرگە قولداۋ كورسەتەتىن سيقىرشى بولا الادى» دەدى «دەگدار» قورىنىڭ ديرەكتورى لاۋرا احمەتوۆا.
