بيىل قازاقستاندا جەرگىلىكتى وكىلدى ورگاندار – ءماسليحاتتاردىڭ قۇرىلعانىنا 30 جىل تولدى, دەپ حابارلايدى astana-akshamy.kz
«قازاقستان رەسپۋبليكاسىنداعى جەرگىلىكتى وكىلدى جانە اتقارۋشى ورگاندار تۋرالى» 1993 جىلعى 10 ناۋرىزداعى قازاقستان رەسپۋبليكاسىنىڭ زاڭىمەن وكىلدى جانە اتقارۋشى بيلىك ورگاندارىنىڭ وكىلەتتىكتەرى ءبولىندى. حالىق كەڭەستەرىنىڭ دەپۋتاتتارى ءماسليحاتتار-دەپۋتاتتار جينالىستارى بولىپ قايتا قۇرىلدى. 1994 جىلدان باستاپ ءماسليحاتتار ءوز جۇمىسىن باستادى. ءدال سول كەزدەن باستاپ ەگەمەن قازاقستاننىڭ وكىلدى بيلىك ورگاندارىنىڭ قىزمەتى ەسەپتەلىپ كەلەدى.
وسى اتاۋلى داتاعا وراي استانا قالاسىندا قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆپەن بىرگە تاريحتا العاش رەت «Senat Open» شاحمات ءتۋرنيرى باستاۋ الدى.
كۋبوكتى وتكىزۋدىڭ باستاماشىسى سەنات توراعاسى – ماۋلەن اشىمباەۆ.
قاتىسۋشىلاردىڭ قاتارىندا بارلىق ءماسليحات سايلانىمدارىنىڭ دەپۋتاتتارى, قوعامدىق كەڭەستىڭ مۇشەلەرى, باق وكىلدەرى بار.
19 مامىردا اياقتالاتىن ىرىكتەۋ تۋرنيرلەرى بۇكىل ەل بويىنشا وتەدى.
ەلوردامىزدان ەڭ مىقتى شاحماتشىلاردىڭ قاتارىنا ەنۋ ءۇشىن 100-دەن استام ادام تالاسادى, ونىڭ 20-عا جۋىعى VIII-سايلانىمداردىڭ دەپۋتاتتارى.
جارتىلاي فينال 7 ماۋسىمنان 9 تامىزعا دەيىن وتەدى, ال فينال 29 تامىزدا استانادا وتەدى.
