استانا قالاسى ورتالىقتاندىرىلعان كىتاپحانالار جۇيەسىنىڭ ۇيىمداستىرۋىمەن اقىن, ويشىل شاكارىم قۇدايبەردىۇلىنىڭ تۋعانىنا 165 جىل تولۋىنا وراي «شاكارىم اقىن شالقارىنان» اتتى قالالىق ىرىكتەۋ بايقاۋى ءوتتى.
وعان قالا مەكتەپتەرىنەن 34 ءوتىنىش ءتۇسىپ, «شاكارىم وقۋلارىنا» 5-7-سىنىپتىڭ 21 وقۋشىسى قاتىستى. بايقاۋ ەرەجەسى بويىنشا تالاپكەرلەر اقىننىڭ وزدەرى تاڭداعان 20 ولەڭىن جاتقا وقۋعا ءتيىس بولدى. ۇلتتىق اكادەميالىق كىتاپحانا قىزمەتكەرى جانار تاڭسىق, اقىن لاۋرا پالمان, استانا قالاسى ورتالىقتاندىرىلعان كىتاپحانالار جۇيەسىنىڭ كىتاپحاناشىسى ساعىنىش سەيداحمەتوۆا قازىلىق جاساپ, وقۋ مانەرى, ساۋاتتىلىق, ساحنا مادەنيەتىنە ءمان بەردى.
بايقاۋ قورىتىندىسى بويىنشا قاراقات ەرنۇر جەڭىمپاز بولىپ تانىلىپ, ۇلتتىق اكادەميالىق كىتاپحانادا 6 ناۋرىز كۇنى وتەتىن «شاكارىم وقۋلارى» رەسپۋبليكالىق بايقاۋىنا جولداما الدى.
