ەلوردادا قالانىڭ مادەني كودىن جەتىلدىرىپ, ودان ءارى مادەني دامىتۋ بويىنشا «نۇر-سۇلتان – جايلى قالا», نۇر-سۇلتان – سالاماتتى قالا, «نۇر-سۇلتان – بەيبىتشىلىك قالاسى» بەينەلەرىن قالىپتاستىرۋ ماسەلەلەرى تالقىلانعان دوڭگەلەك ۇستەل ءماجىلىسى وتكىزىلدى.
دوڭگەلەك ۇستەل وتىرىسىنا قوعامدىق ۇيىم وكىلدەرى مەن قالالىق مەكەمەلەردىڭ باسشىلارى قاتىسىپ, «جالپى ەلوردا تۇرعىنى دەپ كىمدى اتايمىز؟» دەگەن ساۋال توڭىرەگىندە ءوز وي-پىكىرلەرىن ورتاعا سالدى.
– ەلوردا حالقىنىڭ مادەني كودىن قالىپتاستىرۋ – بۇل وتە ماڭىزدى تاقىرىپ. وسى ماقساتتا كەيىنگى كەزدە كوپتەگەن ءىس-شارا وتكىزىلىپ جاتىر. اسىرەسە, باس قالا تۇرعىندارىنىڭ وزىندىك كوزقاراستارى مەن وي-تۇجىرىمدارىن تىڭداپ, اقپارات الماسۋ وتە قۇندى بولىپ وتىر. بۇل نەگىزدە كوپتەگەن مەكەمەلەرمەن ناقتى جۇمىستار جۇرگىزىلۋدە, – دەدى زاڭ عىلىمدارىنىڭ ماگيسترى جورابەك ابراليەۆ.
قازىرگى كەزدە ءىرى مەگاپوليس بولىپ تابىلاتىن, ءبىر ميلليوننان اسا ادام تۇراتىن ەلوردادا مادەني قۇندىلىقتاردى جاڭارتۋ, سالت پەن ءداستۇر, سونىڭ ىشىندە مەملەكەتتىك ءتىلدىڭ وركەندەۋىن, ونىڭ قولدانىس اياسىن كەڭەيتۋ – كەزەك كۇتتىرمەيتىن ماسەلە.
بايان اسىلبەكوۆا
