شەكتى جاس مولشەرىن كوتەرۋدى سۇرادى
كۇيىپ تۇرعان تاقىرىپتىڭ ءبىرى – باسپانا. ەلىمىزدە وڭىرلەردى دامىتۋدىڭ 2020 جىلعا دەيىنگى باعدارلاماسى جۇزەگە اسىرىلۋدا. الايدا, باسپانا الۋعا ءۇمىتتى وتباسىلارعا جاسى بويىنشا بەلگىلى ءبىر تالاپتار قويىلادى.
دەپۋتات دارحان كالەتاەۆ وسىنداي ۇمىتكەرلەر ءۇشىن جاس بويىنشا بەلگىلەنگەن شەكتى دەڭگەيدى جوعارىلاتۋدى ۇسىندى. پارلامەنت سەناتىنىڭ جالپى وتىرىسىندا حالىقپەن كەزدەسۋ بارىسىندا الدىنان وسىنداي ماسەلەلەر كوتەرىلەتىنىن جەتكىزدى. ايتۋىنشا, باعدارلاما اياسىندا ەرلى-زايىپتىلاردىڭ بالاسى بولۋى, نەكەدە ءۇش جىلدان كەم بولماۋى جانە ولاردىڭ جاسى 35-كە جەتپەۋ قاجەت. ال, «جاس وتباسى» ساناتىندا ەرلى-زايىپتىلاردىڭ جاسى 29-دان اسپاۋى ماڭىزدى. «جوعارىدا اتالعان ءبىر ساناتتاعى جاس بويىنشا بەلگىلەنگەن شەكتى 35-تەن 39 جاسقا دەيىن, ال «جاس وتباسى» ساناتىندا 29-دان 35-كە دەيىن جوعارىلاتۋ ماسەلەسىن قاراستىرۋدى سۇرايمىن» دەدى ول.
گۇلميرا ايماعانبەت