ەلوردا اكىمى التاي كولگىنوۆ سينگاپۋرلىق «Golden Equator» قورىنىڭ وكىلدەرىمەن كەزدەستى. باسقوسۋدا ءارتۇرلى سالالارداعى ىنتىماقتاستىق, جوسپارلانعان جوبالاردى قارجىلاندىرۋ, ستارتاپتاردى قولداۋ جانە تاعى باسقا ماسەلەلەر تالقىلاندى.
«ءبىز شەتەلدىك كومپانيالاردىڭ وكىلدەرىمەن تۇراقتى كەزدەسۋلەر وتكىزەمىز. وسى جىلدىڭ 9 ايىندا 730 ملرد تەڭگەدەن استام جەكە ينۆەستيتسيا تارتتىق. وتكەن جىلدىڭ سايكەس كەزەڭىمەن سالىستىرعاندا ينۆەستيتسيا كولەمى ارتتى. بىلتىر پاندەمياعا قاراماستان, جەكە ينۆەستيتسيالاردىڭ رەكوردتىق سوماسى – 1 تريلليون تەڭگەدەن استام قاراجات تارتتىق. قالا تۇرعىندارى مەن ەلوردالىقتار ءۇشىن قاجەتتى جوبالارعا قولداۋ كورسەتەمىز: ول مەكتەپتەر, مەديتسينالىق ورتالىقتار, كوتەرمە-تاراتۋ ورتالىقتارى, جىلىجاي كەشەندەرى, قۇرىلىس ماتەريالدارىن شىعاراتىن كاسىپورىندار جانە تاعى باسقالار» دەپ ءتۇسىندىردى اكىم.
سونىمەن قاتار, ۆەنگريانىڭ Tungsram كومپانياسىنىڭ وكىلدەرىمەن ىنتىماقتاستىق جوسپارى تالقىلاندى. اتاپ ايتقاندا, جارىق تەحنيكاسى ءوندىرىسىن وقشاۋلاۋ ماسەلەلەرى, قالانىڭ ەنەرگيا تيىمدىلىگىن ارتتىرۋ ءۇشىن تەحنيكالىق شەشىمدەردى ەنگىزۋ مۇمكىندىكتەرى كەڭىنەن ءسوز بولدى.
