قالامىزدا «بەيىمدەۋ تەحنولوگيالارى مەن تۇجىرىمدامالارى» قوعامدىق قورى جۇمىسپەن قامتۋ جانە الەۋمەتتىك قورعاۋ باسقارماسىنىڭ قولداۋىمەن «ازاماتتار ءۇشىن ەڭ جوعارى قۇندىلىق – ساناتىنا جانە الەۋمەتتىك جاعدايىنا قاراماستان ءومىر ءسۇرۋ ساپاسىن جاقسارتۋ» اتتى دوڭگەلەك ۇستەل وتكىزدى.
جازاسىن وتەگەندەر دە جۇمىسسىز قالمايدى. اتالعان قوعامدىق قور ءىستى بولىپ, جازاسىن وتەپ شىققان ادامدارعا قۇقىقتىق جانە پسيحولوگيالىق كومەك كورسەتەدى. جوبا اياسىندا بيىل 807 ادام قامقورلىققا الىندى. ولاردىڭ 62-سىنە قۇقىقتىق, 486-سىنا پسيحولوگيالىق, 66 ادامعا الەۋمەتتىك كومەك كورسەتىلدى. بۇدان باسقا, 245 ادام جۇمىسپەن قامتىلدى, 35 ادام كاسىپكەر اتاندى, 23 ادام قۇجاتپەن قامتاماسىز ەتىلسە, 16 ادام اۋرۋحاناعا جاتقىزىلدى.
«بەيىمدەۋ تەحنولوگيالارى مەن تۇجىرىمدامالارى» قوعامدىق قورى قالالىق ىشكى ساياسات باسقارماسىنىڭ قولداۋىمەن ۇيىم مەملەكەتتىك ورگاندارمەن, پەنيتەنتسيارلىق جۇيە وكىلدەرىمەن, كوشى-قون پوليتسياسىمەن, مەديتسينالىق-الەۋمەتتىك وڭالتۋ ورتالىعىمەن تىعىز بايلانىستا جۇمىس ىستەيدى.
