اقش-تىڭ بىرنەشە شتاتىندا كوروناۆيرۋستىڭ اۋىر تۇرىمەن تۇسكەن ناۋقاستىڭ كوپتىگىنەن اۋرۋحانالاردا بوس ورىن ازايىپ بارادى. رەسەيدە ءبىر كۇندە كوروناۆيرۋستان 815 ادام قايتىس بولىپ, تاعى دا رەكورد جاڭاردى. برازيليادا ءبىر تاۋلىكتە 996 ادام جان
اقش-تىڭ الاباما شتاتىنىڭ گۋبەرناتورى دارىگەرلەر Covid-19 «تولقىنى ۇدەپ» بارا جاتقانىن, اۋرۋحانالاردا ورىن جەتپەي قالۋ قاۋپى بارىن ايتقان سوڭ ايماقتا توتەنشە جاعداي جاريالاعان. ەلدىڭ سولتۇستىك-باتىسىنداعى ورەگون شتاتىندا دا اۋرۋحانالار ناۋقاسقا تولعان. بيلىك ۇلتتىق گۆارديانىڭ 1500-دەي ساربازىن مەديتسينا قىزمەتكەرلەرىنە كومەككە جۇمىلدىرۋ جوسپارىن جاريا ەتتى. بيىل جازدا قايتا ورشىگەن كوروناۆيرۋس الەمنىڭ ءار تۇكپىرىندە الەك سالىپ جاتىر. قازىرگى مالىمەتتەرگە قاراعاندا, برازيليا مەن رەسەي كەيىنگى 28 كۇندە ءولىم سانى بويىنشا ەكىنشى جانە ءۇشىنشى ورىندا تۇر. ءتورت اپتانىڭ ىشىندە برازيليادا 30 مىڭعا جۋىق ادام قايتىس بولسا, رەسەيدە 21 مىڭنان استام ادام ولگەن. ال ءبىرىنشى ورىندا 43 مىڭنان استام ادام باقيلىق بولعان يندونەزيا تۇر, دەپ حابارلايدى الەمدەگى كوروناۆيرۋس ستاتيستيكاسىن جۇرگىزىپ وتىرعان اقش-تاعى دجونس حوپكينس ۋنيۆەرسيتەتى. كەيىنگى ايلاردا قازاقستاندا دا ىندەت ءورشىپ, ادام ءولىمى كوبەيگەن. شىلدەدە قازاقستاندا كوروناۆيرۋسپەن بايلانىستى ادام ءولىمىنىڭ ەڭ جوعارى كورسەتكىشى تىركەلدى.
