ستۋدەنتتەر الاڭسىز ءبىلىم الادى

ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىندە 2018-2019 جىلعى جاڭا وقۋ جىلىنىڭ سالتاناتتى اشىلۋ ءراسىمى ءوتتى.

ۋنيۆەرسيتەت جاڭا وقۋ جىلىن بيىل دا تابىستى باستادى. ستۋدەنتتەر قاتارى 3200-دەن استام جاس تۇلەكپەن تولىعىپ, جوعارى وقۋ ورنى وسى جىلى 1717 ءبىلىم گرانتىن جەڭىپ الدى. مەملەكەتتىك گرانت يەگەرلەرى اتانعان ماگيسترانتتار سانى 545 ادامعا جەتتى. ال دوكتارانت سانى وتكەن وقۋ جىلىنا قاراعاندا ەكى ەسە ءوسىپ, 40 ادام گرانت يەسى اتاندى.

سالتاناتتى جيىن شىمىلدىعىن ۋنيۆەرسيتەتتىڭ باسقارما توراعاسى اقىلبەك كۇرىشباەۆ اشىپ, 1-كۋرس ستۋدەنتتەرىنە جىلى لەبىزىن ءبىلدىرىپ, ءبىلىم جولىنا ساتتىلىك تىلەدى.

«ۋنيۆەرسيتەتتە ستۋدەنتتەردىڭ ساپالى ءبىلىم مەن سانالى تاربيە الۋى ءۇشىن بارلىق جاعدايلار جاسالعان. ۋنيۆەرسيتەتتە ەلەكتروندى كىتاپحانا, سپورت زالى تۇراقتى جۇمىس ىستەيدى. ۋنيۆەرسيتەتتىڭ بارلىق جاتاقحانالارى كۇردەلى جوندەۋدەن ءوتتى»  دەيدى  اقىلبەك قاجىعۇلۇلى.

 قازىرگى تاڭدا وقۋ ورنى الەمنىڭ 20-دان استام ەلدەردىڭ جوعارى وقۋ ورىندارىمەن بىرگە عىلىمي-زەرتتەۋ ورتالىقتارىمەن حالىقارالىق بايلانىس ورناتقان. ولاردىڭ قاتارىندا ۇلىبريتانيا, فرانتسيا, اقش, قىتاي, گەرمانيا, چەحيا, جاپونيا سياقتى الىپ مەملەكەتتەر دە بار. ول ەلدەردە قازاتۋ-دىڭ 1000-عا جۋىق وقىتۋشىسى مەن ستۋدەنتى بىلىمدەرىن ارتتىرىپ, عىلىمي تاجىريبەدەن وتۋدە.
شارا سوڭى كونتسەرت قويىلىپ,   ستۋدەنتتەر  ونەرلەرىن ورتاعا سالدى.