ەلوردانىڭ تجد باستىعىنىڭ ورىنباسارى داستان الدابەكوۆ استانا سۋ قويماسى جوندەۋدەن ءوتىپ جاتقانىن ايتتى.
– استانا سۋ قويماسىندا سونشالىقتى اپات بولعان جوق. قازىرگى ۋاقىتتا سۋ قويماسى كونتررەتتەگىش رەجيمىندە. بۇل دەگەنىمىز – قالانى سۋ تاسقىنىنان قورعاۋ. قازىر سۋ قويماسىن جاڭارتۋ جۇمىسى ءجۇرىپ جاتىر. اكىمدىكتە وسى ماسەلە قارالىپ, قارجى ءبولۋ جاعى شەشىلەدى. بيىل كونتررەتتەگىشتى جاڭارتۋعا اقشا ءبولىنىپ, اتقارىلاتىن ءىس-شارالار اياسىندا ەسىل وزەنىنىڭ ارناسىن كەڭەيتۋ مۇمكىندىگى تۋادى دەگەن ويدامىز. سونىمەن قاتار سۋ تاسقىنىنا قارسى ءىس-شارالار, بوگەتتى نىعايتۋ, تاس توسەۋ جۇمىسى جۇرگىزىلمەك, – دەدى ول استانا قالاسى كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
