ەلورداداعى ج.تاشەنەۆ كوشەسىنىڭ جول توسەمىنە ورتاشا جوندەۋ جۇمىستارى جۇرگىزىلەدى, دەپ حابارلايدى astana-akshamy.kz
وسىعان بايلانىستى 21 ساۋىردەن 5 مامىرعا دەيىن رەسپۋبليكا داڭعىلىنان اممان كوشەسىنە دەيىنگى ۋچاسكە ءىشىنارا جابىلادى. بۇل تۋرالى استانا قالاسى كولىك جانە جول-كولىك ينفراقۇرىلىمىن دامىتۋ باسقارماسى ءمالىم ەتتى.
جوندەۋ جۇمىستارىن جۇرگىزۋ كەزەڭىندە قالالىق قوعامدىق كولىك مارشرۋتتارىنىڭ قوزعالىس سىزبالارى وزگەرتىلەتىن بولادى. بۇل تۋرالى “City Transportation Systems» جشس رەسمي سايتىندا cts.gov.kz جانە Facebook پەن Instagram الەۋمەتتىك جەلىلەرىندە تانىسۋعا بولادى.
“ەلوردا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم وتىنەمىز. جول-قۇرىلىس جۇمىستارىن جۇرگىزۋگە تۇسىنىستىكپەن قاراۋدى سۇرايمىز”, – دەلىنگەن حابارلامادا.
