ۇلتتىق مۋزەيدە «قازاقستان حالقىنا سۇيىسپەنشىلىكپەن – الەم عاجايىپ بوياۋدا» اتتى جامبىل وبلىسىنان شىققان قىلقالام شەبەرلەرىنىڭ كورمەسى اشىلدى. وسى كورمە وتكەن جىلى تاراز قالاسىندا باستالىپ, ودان كەيىن قازاقستان تاۋەلسىزدىگى مەن تمد قۇرىلۋىنىڭ 30 جىلدىقتارى, جىر الىبى – جامبىلدىڭ 175 جىلدىعى اياسىندا سانكت-پەتەربۋرگتىڭ مەملەكەتتىك مۋزەيىندە كورسەتىلدى. ەندى ەلورداعا دا جەتتى.
[smartslider3 slider=2236]كورمەنىڭ اشىلۋىندا ۇلتتىق مۋزەيدىڭ عىلىمي حاتشىسى سايالبەك عيززاتوۆ, بەلگىلى ءمۇسىنشى, قازاقستاننىڭ ەڭبەك سىڭىرگەن قايراتكەرى سەمبىعالي سماعۇلوۆ كورمەدەگى اكۆارەل تەحنيكاسىمەن سالىنعان تۋىندىلارعا توقتالدى. تاراز قالاسى سۋرەتشىلەر وداعىنىڭ اتىنان ۇلتتىق مۋزەي ۇجىمىنا العىس حات تاپسىرىلدى.
كورمەدە ەلەنا پانينا, قازىم امانقوسوۆ, ۆلاديمير حۋدياكوۆ, سەرگەي اندرياكا, ەلەنا بازانوۆا سىندى قىلقالام شەبەرلەرىنىڭ ءارتۇرلى باعىتتار مەن اعىمدارداعى كلاسسيكالىق جانە زاماناۋي تۋىندىلارى ۇسىنىلدى. سۋرەتشىلەر كارتينالارىندا قازاق حالقىنىڭ سالت-داستۇرلەرىن, تۇرمىسىن كەستەلەگەن.
